ନୂଆଦିଲ୍ଲୀ: କରୋନାର କୌଣସି ପ୍ରତିଷେଧକ ନାହିଁ । କରୋନାରୁ ବଞ୍ଚିବା ପାଇଁ ଔଷଧ ବାହାରିନାହିଁ । ହେଲେ କରୋନାକୁ ଦୂରେଇବା ପାଇଁ କେବଳ ସଚେତନତା ହିଁ ସବୁଠାରୁ ବଡ଼ ପ୍ରତିଷେଧକ । ଆଉ କରୋନାର ଦୁଇ ବଡ଼ ଶତ୍ରୁ ହେଲେ ସାମାଜିକ ଦୂରତ୍ବ ଓ ମୁହଁରେ ମାସ୍କ ।
କିଛି ବିଦେଶୀ ଗବେଷକ ଏହି ଦୁଇଟି ପ୍ରସଙ୍ଗ ଉପରେ ଗୁରୁତ୍ବାରୋପ କରିଛନ୍ତି । 
କାର୍ଲିଫର୍ଣ୍ଣିଆ ବିଶ୍ବବିଦ୍ୟାଳୟର ଗବେଷକ ଡାକ୍ତର ଡେକାଇ ୟୁଙ୍କ ସୂଚନା ଅନୁସାରେ ମାସ୍କ ବ୍ୟବହାର କରୋନାଠାରୁ ଜଣେ ବ୍ୟକ୍ତିକୁ ରକ୍ଷା କରି ପାରିବ । ଏହା ବିଜ୍ଞାନ ସମ୍ମତ ଓ ଏହି ପ୍ରସଙ୍ଗରେ ଜାପାନକୁ ଉଦାହରଣ ନିଆଯାଇପାରେ ।
ମାର୍ଚ୍ଚ ୬ ରେ ଜାପାନରେ କରୋନା ଭୂତାଣୁରେ କେବଳ ୨୧ ଜଣଙ୍କ ମୃତ୍ୟୁ ଘଟିଥିଲା। ସେହି ସମୟ ବେଳକୁ ଆମେରିକାରେ କରୋନାରେ ମୃତ୍ୟୁ ସଂଖ୍ୟା ୨୧୦୦ ଅତିକ୍ରମ କରିଥିଲା । ଯାହା ଜାପାନଠୁ ୧୦ ଗୁଣ ଅଧିକ। ଏବେ ଆମେରିକା ଲକ୍ଡାଉନ୍ ଖୋଲିବାକୁ ପ୍ରସ୍ତୁତି କରୁଥିବା ବେଳେ ଜାପାନରେ କେବେ ବି ଏହି ଧରଣର ଲକ୍ଡାଉନ୍ ଆବଶ୍ୟକ ପଡିନାହିଁ । ଜାପାନରେ ଏବେ ନୂତନ ସଂକ୍ରମିତ ସଂଖ୍ୟା ମଧ୍ୟ ବହୁତ କମ ଆସୁଛି। କିନ୍ତୁ ଅନ୍ୟପଟେ ପୂରା ଦୁନିଆରେ ଆକ୍ରାନ୍ତଙ୍କ ସଂଖ୍ୟା ଅହେତୁକ ଭାବେ ବଢି ଚାଲିଛି। କାରଣର ଜାପାନରେ ମାସ୍କ ପିନ୍ଧିବାର ସଂସ୍କୃତି ପୂର୍ବରୁ ରହିଛି।
ଡାକ୍ତର ଡେକାଇ ୟୁଙ୍କ ସହଯୋଗୀ ପେରିସ୍ ଇକୋଲେ ଡେ ଗୁଏରେ କହିଛନ୍ତି, ଯେ ପର୍ଯ୍ୟନ୍ତ କୌଣସି ଟୀକା କିମ୍ବା ଔଷଧ ଆବିଷ୍କାର ହୋଇ ନାହିଁ ସେ ପର୍ଯ୍ୟନ୍ତ ଆମକୁ କରୋନା ସହିତ ଏମିତି ଲଢିବାକୁ ପଡିବ । କେବଳ ମାସ୍କ ଓ ସାମାଜିକ ଦୂରତା ହିଁ ଏମିତି ଦୁଇଟି ବିକଳ୍ପ ଯାହା କରୋନା ବିରୋଧରେ ଶକ୍ତିଶାଳୀ ଅସ୍ତ୍ର ଭାବରେ ବ୍ୟବହୃତ ହୋଇ ପାରିବ ।
Comments are closed.