ଖସିଲା କରୋନା ପାରଦ, ଜିଲ୍ଲାରେ ଆଜି ୩୨ ସଂକ୍ରମିତ ଚିହ୍ନଟ

ସୁସ୍ଥ ହୋଇ ଫେରିଥିବା କରୋନାଯୋଦ୍ଧାଙ୍କ ଫୁଲତୋଡ଼ା ଦେଇ ସ୍ୱାଗତ

ଫୁଲବାଣୀ : କନ୍ଧମାଳ ଜିଲ୍ଲାରେ ଆଜି କରୋନା ସଂକ୍ରମିତ ପାରଦ ହଠାତ୍ ଖସିଯାଇଛି। ଗତ କିଛିଦିନ ହେଲା କନ୍ଧମାଳ ଜିଲାରେ ସଂକ୍ରମିତ ସଂଖ୍ୟା ୧୦୦ରୁ ଉର୍ଦ୍ଧ୍ବ ହେଉଥିବା ବେଳେ ଆଜି ୪ କରୋନା ଯୋଦ୍ଧାଙ୍କ ସମେତ ୩୨ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ଏଥିସହ ଜିଲ୍ଲାରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୪,୬୭୭ ପହଂଚିଛି।  ସମସ୍ତ ଆକ୍ରାନ୍ତ ମାନଙ୍କ ମଧ୍ୟରୁ ଆଜି ସୁଦ୍ଧା ୪,୦୮୫ ଜଣ ସଂକ୍ରମିତ ସୁସ୍ଥ ହୋଇ ସେମାନଙ୍କ ଘରକୁ ପେରିଥିବା ବେଳେ ଜିଲ୍ଲାରେ କରୋନା ଜନିତ ମୃତ୍ୟୁ ସଂଖ୍ୟା ୨୩ ରହିଛି। ବଳକା ୫୬୯  ଜଣ ସଂକ୍ରମିତ ବିଭିନ୍ନ କୋଭିଡ ହସ୍ପିଟାଲରେ ରହି ଚିକିତ୍ସିତ ହେଉଛନ୍ତି। ଆଜିର ସଂକ୍ରମିତଙ୍କ ମଧ୍ୟରୁ ଜିଲ୍ଲାର ଫୁଲବାଣୀ ପୌରାଂଚଳରେ ୬ ଜଣ ଓ ଗ୍ରାମାଂଚଳରେ ୨ ଜଣ ଚିହ୍ନଟ ହୋଇଛନ୍ତି ।

ସେହିପରି  ବାଲିଗୁଡାର ୨ଜଣ, ଘୁ.ଉଦୟଗିରିରେ ଜଣେ, ଚକାପାଦରେ ୪, କ.ନୁଆଗାଁରେ ୩, ଖଜୁରିପଡାରେ ୩, କୋଟଗଡରେ ଜଣେ, ଫିରିଙ୍ଗିଆ ୪, ରାଇକିଆ ୪, ଟିକାବାଲି ଓ ତୁମୁଡିବନ୍ଧ ଅଂଚଳରୁ ଜଣେ ଲେଖାଏଁ ସଂକ୍ରମିତ ଥିବା ନେଇ ଜିଲ୍ଲା ପ୍ରଶାସନ ସୁତ୍ରରୁ ଜଣାପଡିଛି। ତେବେ ଦିନକୁ ଦିନ ଜିଲାରେ ପୁଲିସ୍ ବିଭାଗ ହେଉ କିମ୍ବା ସ୍ୱାସ୍ଥ୍ୟ ବିଭାଗ ଓ ଅନ୍ୟ ବିଭାଗର କରୋନା ଯୋଦ୍ଧା ମାନେ ଦିନକୁ ଦିନ ସଂକ୍ରମିତ ସଂଖ୍ୟା ବୃଦ୍ଧି ପାଉଥିବା ବେଳେ ଏହା ମଧ୍ୟ ଚିନ୍ତାର କାରଣ ହୋଇଛି। ତେବେ ଆଜି ଗତ କିଛିଦିନ ହେଲା କରୋନାରେ ସଂକ୍ରମିତ ହୋଇ ଚିକିତ୍ସାପରେ ସୁସ୍ଥ ହୋଇ ସଦରଥାନାର ଜଣେ କରୋନା ଯୋଦ୍ଧା କାର୍ଯ୍ୟରେ ଯୋଗ ଦେଇଥିବା ବେଳେ ଆଜି ସଦରଥାନା ଅଧିକାରୀ ଆଦିତ୍ୟ ପ୍ରସାଦ ସେଠୀଙ୍କ ସମେତ କାର୍ଯ୍ୟାଳୟର ଅନ୍ୟ କର୍ମଚାରୀମାନେ ସୁସ୍ଥ ହୋଇ ଫେରିଥିବା କର୍ମଚାରୀଙ୍କୁ ଫୁଲତୋଡା ଦେଇ ସ୍ୱାଗତ କରିଥିଲେ।

Comments are closed.