ବର କରୋନା ସଂକ୍ରମିତ ଚିହ୍ନଟ ପରେ ବ୍ୟକ୍ତିଗତ ସୁରକ୍ଷା ଉପକରଣ ପିନ୍ଧି ହେଲା ବିବାହ

ମଧ୍ୟପ୍ରଦେଶ : ସାରା ଦେଶରେ କରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ସଂକ୍ରମଣ ରୋକିବାକୁ ସରକାରଙ୍କ ପକ୍ଷରୁ ବିଭିନ୍ନ କରୋନା କଟକଣା ସହ ନିୟମାବଳୀ ଲାଗୁ କରାଯାଇଛି। ଏଭଳି ସମୟରେ ମଧ୍ୟ ଏକ ଏପରି ଘଟଣା ସାମ୍ନାକୁ ଆସିଛି, ଯାହା ସଭିଁଙ୍କୁ ଆଶ୍ଚର୍ଯ୍ୟ କରିଛି। ମଧ୍ୟପ୍ରଦେଶର ରତଲାମରୁ ଏହି ଘଟଣା। ଏଠାରେ କରୋନା ସଂକ୍ରମିତ ବ୍ୟକ୍ତି ବ୍ୟକ୍ତିଗତ ସୁରକ୍ଷା ଉପକରଣ ପିନ୍ଧି ବିବାହ କରିଛନ୍ତି। ଏହି ବିବାହରେ ବର,କନ୍ୟା, ପଣ୍ଡିତଙ୍କ ସମେତ ଉପସ୍ଥିତ ଥିବା ଅନ୍ୟ ଲୋକେ ମଧ୍ୟ ବ୍ୟକ୍ତିଗତ ସୁରକ୍ଷା ଉପକରଣ ପିନ୍ଧିଥିବା ଦେଖାଦେଇଛି। ଏହି ବିବାହର ଏକ ଭିଡିଓ ଏବେ ଖୁବ ଭାଇରାଲ ହେଉଛି। ଘଟଣା ବିଷୟରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ବିବାହ ଅଟକାଇ ଥିଲେ ମଧ୍ୟ ପରବର୍ତ୍ତୀ ସମୟରେ ପରିସ୍ଥିତିକୁ ଦୃଷ୍ଟିରେ ରଖି ବିବାହ ସମ୍ପନ୍ନ କରାଯାଇଥିଲା।
ମିଳିଥିବା ସୂଚନା ଅନୁଯାୟୀ, ଏପ୍ରିଲ ୧୯ରେ ବର କରୋନା ସଂକ୍ରମିତ ବୋଲି ଜଣାପଡିଥିଲା। ଏହାପରେ ବିବାହ ଅଟକାଇବାକୁ ସ୍ଥିର କରାଯାଇଥିଲେ ମଧ୍ୟ ପରବର୍ତ୍ତୀ ସମୟରେ ବିବାହ ସ୍ଥିରୀକୃତ ସହ ଆୟୋଜନ କରାଯାଇଥିବାରୁ ବିବାହ କରାଯିବା ପାଇଁ ନିଷ୍ପତ୍ତି ହୋଇଥିଲା। ଏବେ ସଭିଏଁ ଗୃହାବଦ୍ଧ ରହିଛନ୍ତି।

Comments
Loading...