ଆରମ୍ଭ ହେଲା ଶ୍ରୀରାମ ଜନ୍ମଭୂମି ମନ୍ଦିର ନିର୍ମାଣ କାର୍ଯ୍ୟ

ଅଯୋଧ୍ୟା : ଅଯୋଧ୍ୟାରେ  ଶ୍ରୀରାମ ଜନ୍ମଭୂମି  ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହୋଇଛି।  ସବିଆରଆ ରୁକ୍କି, ଏଲ ଆଣ୍ଡ ଟି ସହିତ ଆଇଆଇଟି ମାଡ୍ରାସର ଇଞ୍ଜିନିୟରମାନେ ମନ୍ଦିର ନିର୍ମାଣ ସ୍ଥାନରେ ମାଟି ପରୀକ୍ଷା କରିଛନ୍ତି। କ୍ରମାଗତ ଭାବେ  ଟ୍ୱିଟ୍ କରି ଶ୍ରୀ ରାମ ଜନ୍ମଭୂମି ତିର୍ଥ କ୍ଷେତ୍ର ପକ୍ଷରୁ କୁହାଯାଇଛି, ଯେ ନିର୍ମାଣ କାର୍ଯ୍ୟ ୩୬ ରୁ ୪୦ ମାସ ମଧ୍ୟରେ ଶେଷ ହେବ। ଭାରତର ପ୍ରାଚୀନ ତଥା ପାରମ୍ପାରିକ ନିର୍ମାଣ କୌଶଳକୁ ଅନୁସାରେ  ମନ୍ଦିର  ନିର୍ମାଣ ହେବ। ଭୂକମ୍ପ, ଝଡ ଏବଂ ଅନ୍ୟାନ୍ୟ ପ୍ରାକୃତିକ ବିପର୍ଯ୍ୟୟକୁ ମୁକାବିଲା କରିବାର ପଦ୍ଧତୀରେ ଏହା ମଧ୍ୟ ନିର୍ମାଣ କରାଯିବ। ମନ୍ଦିର ନିର୍ମାଣରେ ଲୁହା ବ୍ୟବହାର ହେବ ନାହିଁ ।

ମନ୍ଦିର ନିର୍ମାଣ ପାଇଁ, ପଥର ଖଣ୍ଡଗୁଡ଼ିକୁ ଯୋଡିବା ସ୍ଥାନରେ ତମ୍ବା ପ୍ଲେଟ ବ୍ୟବହୃତ ହେବ। ଏହିପରି ଦଶ ହଜାର ପ୍ଲେଟ୍ ଆବଶ୍ୟକ ହେବ। ଶ୍ରୀରାମ ଜନ୍ମଭୂମି ତିର୍ଥ କ୍ଷେତ୍ର ଟ୍ରଷ୍ଟ ପକ୍ଷରୁ ତମ୍ବା ପ୍ଲେଟ ଦାନ କରିବାକୁ ଶ୍ରୀରାମ ଭକ୍ତମାନଙ୍କୁ ଆହ୍ବାନ ଦିଆଯାଇଛି​‌। ଦାତାମାନେ ଏହି ପ୍ଲେଟଗୁଡିକରେ ନିଜ ପାରିବାରର ନାମ, ଜନ୍ମ ସ୍ଥାନ କିମ୍ବା ସେମାନଙ୍କ ସମ୍ପ୍ରଦାୟର ନାମ ଖୋଦିତ କରିପାରିବେ। ଟ୍ରଷ୍ଟ କହିଛି, ତମ୍ବା ପ୍ଲେଟଗୁଡିକ କେବଳ ଏହି ଦେଶର ଏକତାର ପ୍ରତୀକ ନୁହେଁ ବରଂ ମନ୍ଦିର ନିର୍ମାଣରେ ସମଗ୍ର ଦେଶର ଅବଦାନର ପ୍ରମାଣ ହେବ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚଳିତ ମାସ ୫ ତାରିଖରେ ଅଯୋଧ୍ୟାରେ ଏହି ଭବ୍ୟ ମନ୍ଦିର ନିର୍ମାଣର ଭୁମି ପୂଜନ କରିବା ସହ ଭିତ୍ତିପ୍ରସ୍ତର ସ୍ଥାପନ କରିଥିଲେ।

Comments are closed.