କେନ୍ଦ୍ର ସରକାରଙ୍କ ସୌଭାଗ୍ୟ ଯୋଜନାରେ ବ୍ୟାପକ ଦୁର୍ନୀତି ହୋଇଥିବା ନେଇ ଉଚ୍ଚସ୍ତରୀୟ ତଦନ୍ତ ଦାବିକଲା କଂଗ୍ରେସ

ନବରଙ୍ଗପୁର: କେନ୍ଦ୍ର ସରକାରଙ୍କ ସୌଭାଗ୍ୟ ଯୋଜନା ବା ଦେୟ ମୁକ୍ତ ବିଦ୍ୟୁତ ସଂଯୋଗ ଯୋଜନାରେ ନବରଙ୍ଗପୁର ଜିଲ୍ଲାରେ ବ୍ୟାପକ ଦୁର୍ନୀତି ହୋଇଥିବା ଅଭିଯୋଗ କରି ଏକ ସାମ୍ବାଦିକ ସମ୍ମିଳନୀ କରି ଏହାର ଉଚ୍ଚସ୍ତରୀୟ ତଦନ୍ତ ଦାବିକଲା ନବରଙ୍ଗପୁର ଜିଲ୍ଲା କଂଗ୍ରେସ।

କଂଗ୍ରେସର ଅଭିଯୋଗ ଅନୁଯାୟୀ, ସାଉଥକୋ ଦ୍ୱାରା ଏହି ଯୋଜନାରେ ବାଟ ମାରଣା ହୋଇଛି । ଏହାସହ ନବରଙ୍ଗପୁର ସହରରେ ଏହି ଯୋଜନାରେ ୨୬୫୭ଜଣ ହିତାଧିକାରୀଙ୍କୁ ଲାଇନ ଯୋଗାଇ ଦିଆଯାଇଥିବା ବେଳେ ଏଥିରେ ବହୁ ଧନୀ ଶ୍ରେଣୀର ଲୋକଙ୍କୁ ସାମିଲ କରିବା, ଗୋଟିଏ ଲୋକ ନାମରେ ଅନେକ ଲାଇନ ସଂଯୋଗ କରିବା ତଥା କେତେକ ଘରେ ମିଟର ନ ଲଗାଇବା ଏବଂ ବିଲ ନ ଆସିବା, ଟ୍ରାନ୍ସଫର୍ମର ଲଗାଇବାରେ ଅନିମିୟତା ଭଳି ସଂଗୀନ ଅଭିଯୋଗ ଆଣିଛି । ଲୋକଙ୍କଠୁ ମୋଟା ରକମର ଟଙ୍କା କାରବାର କରି ବିଭାଗ ତରଫରୁ ହରିଲୁଟ କରାଯାଇଛି ବୋଲି ଆଜି ପ୍ରେସ ବିବୃତିରେ ନବରଙ୍ଗପୁର ନଗର କଂଗ୍ରେସ କମିଟି ପକ୍ଷରୁ ସୂଚନା ଦିଆଯାଇଛି । ଏଥିସହ ଏହାର ଉଚ୍ଚସ୍ତରୀୟ ତଦନ୍ତ ଦାବିକରିବା ସହ ଦୁର୍ନୀତି ନିବାରଣ ବିଭାଗକୁ ଏହି ସମ୍ବନ୍ଧରେ ସୂଚନା ଦିଆଯାଇଥିବା କହିଛନ୍ତି । ଏହି ସମିଳନୀରେ ନବରଙ୍ଗପୁର ଜିଲ୍ଲା କଂଗ୍ରେସ ସଭାପତି ମୁନା ତ୍ରିପାଠୀ, ଲାଲୁ ତ୍ରିପାଠୀ, ସରୋଜ ମିଟୁ ପାତ୍ର ଏବଂ କଂଗ୍ରେସ କର୍ମୀ ପ୍ରମୁଖ ଉପସ୍ଥିତ ଥିଲେ।

Comments
Loading...