‘ତୈଳ ଦର ୧୦ ଟଙ୍କା ନ କମିଲେ ଫେବୃଆରୀ ୧୫ରେ ଓଡ଼ିଶା ବନ୍ଦ’

ବ୍ରହ୍ମପୁର: ପେଟ୍ରୋଲ ଓ ଡିଜେଲ୍‌ ଦର ବୃଦ୍ଧି ପାଇବାରେ ଲାଗିଛି। କଂଗ୍ରେସ ସରକାରଙ୍କ ସମୟରେ ଦର ବଢ଼ିଲେ ବିଜେପି ଏବଂ ବିଜେଡ଼ି ଆନ୍ଦୋଳନ କରୁଥିଲେ। ହେଲେ ଏବେ ବିଜେପି ଶାସନରେ ତୈଳ ଦର ବୃଦ୍ଧି ପାଉଥିବା ବେଳେ ବିଜେଡ଼ି ଚୁପ୍‌ ବସିଛ । ହେଲେ କଂଗ୍ରେସ ଚୁପ୍‌ ବସିବ ନାହିଁ। ଯଦି ତୁରନ୍ତ ସରକାର ତୈଳ ଦର ୧୦ ଟଙ୍କା ହ୍ରାସ ନ କରନ୍ତି, ତେବେ ଫେବୃଆରୀ ୧୫ ତାରିଖରେ ଓଡ଼ିଶା ବନ୍ଦ ଡାକରା ଦିଆଯିବ ବୋଲି ଚେତାବନୀ ଦେଇଛନ୍ତି ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ନିରଞ୍ଜନ ପଟ୍ଟନାୟକ। ବ୍ରହ୍ମପୁରସ୍ଥିତ ଖଲିକୋଟ କଲେଜ ପଡ଼ିଆ ଠାରେ ଗଞ୍ଜାମ ଜିଲା କଂଗ୍ରେସ କମିଟି ତରଫରୁ ଆୟୋଜିତ ମହାତ୍ମାଗାନ୍ଧୀ ତିରୋଧାନ ଦିବସ ଅବସରରେ ଯୋଗଦେଇ ନିରଞ୍ଜନ ଉପରୋକ୍ତ ବକ୍ତବ୍ୟ ରଖିଛନ୍ତି। ଏଥି ସହ ସେ କେନ୍ଦ୍ର ଏବଂ ରାଜ୍ୟ ସରକାରଙ୍କ ବିଭିନ୍ନ ନୀତିକୁ ତୀବ୍ର ସମାଲୋଚନା କରିଥିଲେ ।

Comments
Loading...