ଆପଣ ବି ନିଜ ଗାଡ଼ି ପାଇଁ ଭିଆଇପି ନମ୍ବର ନେବାକୁ ଚାହୁଁଛନ୍ତି କି? ତେବେ ଜାଣନ୍ତୁ କ’ଣ କରିବାକୁ ପଡ଼ିବ

ନୂଆଦିଲ୍ଲୀ: ଆଜିକାଲି ବହୁତ ଲୋକ ନିଜ ଗାଡ଼ି ପାଇଁ ଫ୍ୟାନ୍ସି କିମ୍ବା ଭିଆଇପି ନମ୍ବର ପାଇବାକୁ ଚାହୁଁଛନ୍ତି। ହେଲେ ଖୁବ୍‍ କମ୍‍ ଲୋକ ଏ ବିଷୟରେ ଅବଗତ ଯେ ଭିଆଇପି ନମ୍ବର କିପରି ଆଣିବାକୁ ପଡ଼େ। ତେବେ ଆସନ୍ତୁ ଆଜି ଆମେ ଆପଣଙ୍କୁ କହିବୁ ଭିଆଇପି କିମ୍ବା ଫ୍ୟାନ୍ସି ନମ୍ବର ଆଣିବାକୁ ହେଲେ କ’ଣ କରିବାକୁ ପଡ଼ିବ।

-ଗାଡ଼ିର ଭିଆଇପି ନମ୍ବର ଆଣିବା ପାଇଁ ସର୍ବ ପ୍ରଥମେ ଆପଣ କେନ୍ଦ୍ର ସରକାରଙ୍କ ୱେବସାଇଟ୍‍ parivahan.gov.in କୁ ଯାଆନ୍ତୁ।
-ଏହାପରେ ଅନ୍‍ଲାଇନ୍‍ ମେନ୍ୟୁକୁ ଯାଇ ଫ୍ୟାନ୍ସି ନମ୍ବର ଉପରେ କ୍ଲିକ୍‍ କରିବେ।
-କ୍ଲିକ୍‍ କରିବା ପରେ ଏକ ପେଜ୍‍ ଖୋଲିବ, ସେଠାରେ ଥିବା ନ୍ୟୁ ପବ୍ଲିକ୍‍ ୟୁଜର ଉପରେ କ୍ଲିକ୍‍ କରି ଏକ ୟୁଜର ଆଇଡି ସୃଷ୍ଟି କରନ୍ତୁ।
-ଏଥିପାଇଁ ଆପଣଙ୍କୁ ମଗାଯାଇଥିବା ତଥ୍ୟ ଦେବାକୁ ପଡ଼ିବ। ଏହାପରେ ୟୁଜର ଆଇଡି ସୃଷ୍ଟି ହୋଇଯିବ।
-ୟୁଜର ଆଇଡି ଲଗ୍‍ ଅନ୍‍ କରିବା ପରେ ଏକ ଇଣ୍ଟରଫେସ୍‍ ଖୋଲିବ। ସେଠାକୁ ଯାଇ ନମ୍ବରର ସଂଖ୍ୟା ଲେଖିବା ଜରୁରୀ।
-ଏହାପରେ ନମ୍ବର ସେକ୍ସନ ଉପରେ କ୍ଲିକ୍‍ କରି ନିଜ ନିକଟସ୍ଥ ଆରଟିଓକୁ ବାଛନ୍ତୁ।
-ଏତିକି କରିସାରିବା ପରେ ଯାନ ବର୍ଗ ବା ଭେଇକିଲ୍‍ କାଟେଗୋରୀ ସିଲେକ୍ଟ କରିବାକୁ ପଡ଼ିବ।
-ବର୍ତ୍ତମାନ ଆପଣଙ୍କୁ ଗାଡି ସିରିଜ୍ ବିଷୟରେ ପଚରାଯିବ ଜ୍ଝ ଆପଣ ନିଜ ପସନ୍ଦର ସିରିଜ୍ ବାଛିପାରିବେ ଜ୍ଝ
-ଏହାପରେ ଫ୍ୟାନ୍ସି ନମ୍ବରର ତାଲିକା ଆପଣଙ୍କ ସାମ୍ନାକୁ ଆସିଯିବ ଓ ସେଠାରେ ତା’ର ଦାମ୍‍ ମଧ୍ୟ ଲେଖାହୋଇଥିବ।
-ବର୍ତ୍ତମାନ ଆପଣଙ୍କୁ Continue to register ଉପରେ କ୍ଲିକ୍‍ କରିବାକୁ ପଡ଼ିବ।
-ଏହାପରେ ଏକ ଫର୍ମ ଆପଣଙ୍କ ସାମ୍ନାକୁ ଆସିବ, ଯାହାକୁ ଆପଣ ପୂରଣ କରି ଦାଖଲ କରିବେ।
-ତା’ପରେ ନେଟ୍‍ ବ୍ୟାଙ୍କିଙ୍ଗ୍‍ ଜରିଆରେ ଆପଣ ପେମେଣ୍ଟ କରିପାରିବେ।
-ଦେୟ ପରେ ଆପଣଙ୍କୁ ଏକ ସ୍ଲିପ୍‍ ମିଳିବ, ଏହାପରେ ସେହି ନମ୍ବର ଆପଣଙ୍କ ପାଇଁ ପଞ୍ଜିକୃତ ହୋଇଯିବ।

Comments
Loading...