କମ୍ୟୁନିଷ୍ଟ ନେତା ପ୍ରହ୍ଲାଦ ସେଠୀଙ୍କ ପରଲୋକ

କଟକ : ବର୍ଷୀୟାନ କମ୍ୟୁନିଷ୍ଟ ନେତା ପ୍ରହ୍ଲାଦ ସେଠୀ (୯୨)ଙ୍କ ବିଡ଼ାନାସୀସ୍ଥିତ ବାସଭବନରେ ପରଲୋକ ଘଟିଛି। ମୃତ୍ୟୁ ଖବର ପାଇ ସିପିଆଇ ରାଜ୍ୟ କମିଟି ସମ୍ପାଦକ ମଣ୍ଡଳୀ ସଭ୍ୟ ପ୍ରଶାନ୍ତ ମିଶ୍ର, ନଗର ସମ୍ପାଦକ ବିନୋଦ ବେହେରା, ଏଆଇଟିୟୁସି ସମ୍ପାଦକ କିଶୋର ଜେନା, ଇପ୍ଟାର ସମ୍ପାଦକ ସୁଶାନ୍ତ ମହାପାତ୍ର, ଏଓବିଇଏର ସମ୍ପାଦକ ପ୍ରଫୁଲ୍ଲ କୁମାର ତ୍ରିପାଠୀ, ସଂଗ୍ରାମୀ ଫୋରମର ପ୍ରଶାନ୍ତ ଦାସ ପ୍ରମୁଖ ବହୁ ବିଶିଷ୍ଟ ବ୍ୟକ୍ତି ତାଙ୍କ ଶବାଧାରରେ ପୁଷ୍ପମାଲ୍ୟ ଅର୍ପଣ କରିଥିଲେ। ସେ ରେଭେନ୍ସାରେ ସ୍ନାତ୍ତକ ଶିକ୍ଷା ଶେଷ କରିବା ପରେ ଭାରତଛାଡ଼ ଆନ୍ଦୋଳନରେ ସାମିଲ ହୋଇଥିଲେ। ସ୍କୁଲ ସମୟରୁ ହିଁ କମ୍ୟୁନିଷ୍ଟ ଆଦର୍ଶ ପ୍ରତି ଆକୃଷ୍ଟ ହୋଇଥିଲେ। ରେଭେନ୍ସାରେ ଶିକ୍ଷାଗ୍ରହଣ ଅବସରରେ ୧୯୪୫ରେ ୟୁନିୟନ ଜ୍ୟାକ ପତାକା ଓହ୍ଲାଇ ଜାତୀୟ ପତାକା ଉଡ଼ାଇବା ଆନ୍ଦୋଳନରେ ଭାଗ ନେଇ କାରାବରଣ କରିଥିଲେ।

Comments are closed.