ରାଜଧାନୀରୁ ବନ୍ଧୁକ ମୁନରେ ଛାତ୍ରଙ୍କୁ ଅପହରଣ- ୮୦୦ କିଲୋମିଟ ବୁଲିବା ପରେ ଗିରଫ ହେଲେ ୪ ଅପହର୍ତ୍ତା

ଭୁବନେଶ୍ୱର – ରାଜଧାନୀ ଭୁବନେଶ୍ୱରରୁ ଛାତ୍ରଙ୍କୁ ଅପହରଣ କରିବା ପରେ ୮୦୦ କିଲୋମିଟର କାର୍‌ରେ ବୁଲିଲେ ଅପହର୍ତ୍ତା । ସେମାନଙ୍କର ପିଛା କରି ପୋଲିସ ବି ୭୦୦ କିଲୋମିଟର ବୁଲିଥିବା ପୋଲିସ୍‌ କମିଶନର ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି । ଲକ୍ଷ୍ମୀସାଗରରେ ଥିବା ଏକ ଓମ୍‌ଫେଡ୍‌ ଚା ବୁଥ୍‌ ନିକଟରୁ ଏହି ଛାତ୍ରଙ୍କୁ ଅପହର୍ତ୍ତାମାନେ ଅପହରଣ କରିଥିଲେ । ଅଣ୍ଟାରେ ବନ୍ଧୁକ ଲଗାଇ ଅପହରଣ ଖରିବା ପରେ ଏକ ମାରୁତି ସ୍ୱିଫ୍ଟ କାର୍‌ରେ ସେମାନେ ରାଜ୍ୟର ବିଭିନ୍ନ ଜିଲ୍ଲା ପ୍ରାୟ ୮୦୦ କିଲୋମିଟର ବୁଲିଥିଲେ । ପୋଲିସ୍‌ ମୋବାଇଲ୍‌ ଟ୍ରାକିଂ କରି ଅପହର୍ତ୍ତାମାନଙ୍କୁ ଗିରଫକରିବା ସହ ସେହି ଛାତ୍ରଙ୍କୁ ଉଦ୍ଧାର କରିଛି ।

ଅପହରଣ ବଦଳରେ ଅପହର୍ତ୍ତାମାନେ ୩୦ ଲକ୍ଷ ଟଙ୍କା ଦାବି କରିଥିଲେ । ଏହି ଅପହରଣ କରିଥିବା ଛାତ୍ର ଜଣଙ୍କ ଜଣେ ବ୍ୟବସାୟୀଙ୍କ ପୁଅ । ସେ ବେଙ୍ଗାଲୁରୁରେ ବିବିଏ କରୁଥିବା ବେଳେ କୋଭିଡ୍‌କଟକଣା ଯୋଗୁଁ ଘରେ ରହି ଅନ୍‌ଲାଇନ୍‌ରେ ପାଠ ପଢୁଥିଲେ । ଏହି ଚା ବୁଥ୍‌କୁ ନିୟମିତ ଚା ପିଇବାରୁ ଆସୁଥିବାରୁ ଅପହର୍ତ୍ତାମାନେ ତାଙ୍କ ଉପର୍ ନଜର ରଖି ତାଙ୍କୁ ଅପହରଣ କରିଥିବା ପୋଲିସ କହିଛି । ଅଭିଯୁକ୍ତମାନେ ତିନୋଟି ଦଳ ହୋଇ କାମ କରୁଥିଲେ । ଥରେ ଫୋନ୍‌ କରିବା ପରେ ପୋନ୍‌ ସ୍ୱିଚ୍‌ ଅଫ୍‌ କରି ୪୦ ରୁ ୫୦ କିଲୋମିଟର ଦୂରକ ପଳାଉଥିଲେ । ସୁନାଖଳାର ଜଙ୍ଗଲ ଭିତରୁ ପୋଲିସ୍‌ ଅପହରଣ କରାଯାଇଥିବା ଛାତ୍ରଙ୍କୁ ଉଦ୍ଧାର କରିଛି ।

Comments are closed.