୧୦୦ ବର୍ଷରେ ପଦାର୍ପଣ କଲେ ୩ ସେନାରେ କାର୍ଯ୍ୟ କରିଥିବା କର୍ଣ୍ଣେଲ ପ୍ରୀତିପାଲ୍ ସିଂ ଗିଲ

ନୂଆଦିଲ୍ଲୀ : କର୍ଣ୍ଣେଲ ପ୍ରୀତିପାଲ ସିଂ ଗିଲ ତାଙ୍କ ଜୀବନର ୧୦୦ ବର୍ଷ ପୂରଣ କରିଛନ୍ତି । ସେ ହେଉଛନ୍ତି ଏକମାତ୍ର ଅଧିକାରୀ ଯିଏକି ଭାରତୀୟ ନୌସେନା, ବାୟୁସେନା ଏବଂ ସ୍ଥଳରେ କାର୍ଯ୍ୟ କରିଛନ୍ତି । କର୍ଣ୍ଣେଲ ପ୍ରୀତିପାଲ ସିଂ ଗିଲ ପରିବାରର ବିନା ଅନୁମତିରେ ବ୍ରିଟିଶ ଶାସନ ଅଧୀନରେ ରୟାଲ ଇଣ୍ଡିଆନ ଏୟାରଫୋର୍ସରେ ଯୋଗ ଦେଇଥିଲେ ।ପରେ ତାଙ୍କୁ କରାଚିରେ ପାଇଲଟ୍ ଅଫିସର ଭାବରେ  ନିଯୁକ୍ତ କରାଯାଇଥିଲା । ସେ ହାୱାର୍ଡ ବିମାନ ଉଡାଉଥିଲେ । ସେ ୧୯୬୫ ଯୁଦ୍ଧରେ ମଧ୍ୟ ଯୋଗ ଦେଇଥିଲେ । ଲେଫ୍ଟନାଣ୍ଟ ଜେନେରାଲ କେଜେ ସିଂ ତାଙ୍କ ଟୁଇଟର ହ୍ୟାଣ୍ଡେଲରୁ ଗିଲଙ୍କ ବିଷୟରେ ଏହି ସୂଚନା ଦେଇଛନ୍ତି । ସେ ତାଙ୍କ ଟ୍ବିଟରରେ କର୍ଣ୍ଣେଲ ପ୍ରୀତିପାଲ ସିଂ ଗିଲଙ୍କ ଏକ ଯୁବ ଅବସ୍ଥାର ଏବଂ ଏକ ବର୍ତ୍ତମାନର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି ।ଫଟୋ ସହ କ୍ୟାପସନ ଦେଇ ଲେଫ୍ଟନାଣ୍ଟ ଜେନେରାଲ କେଜେ ସିଂ ଲେଖିଛନ୍ତି , ‘କର୍ଣ୍ଣେଲ ପ୍ରୀତି ପାଲ ସିଂ ଗିଲ -୧୦୦ ନଟ୍ ଆଉଟ୍’ ।


ରୟାଲ ଇଣ୍ଡିଆନ ଏୟାରଫୋର୍ସରେ କାମ କରିବା ପରେ କର୍ଣ୍ଣେଲ ପ୍ରୀତିପାଲ ସିଂ ଗିଲଙ୍କୁ ଭାରତୀୟ ନୌସେନା ସେନାକୁ ସ୍ଥାନାନ୍ତର କରାଯାଇଥିଲା । ଯେଉଁଠାରେ ସେ ସ୍ୱିପିଂ ଜାହାଜ ଏବଂ ଆଇଏନ୍‌ଏସ୍‌ ତୀରରେ କାର୍ଯ୍ୟ କରିଥିଲେ । ସେ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ମାଲ ପରିବହନ ଜାହାଜଗୁଡ଼ିକର ତଦାରଖ କରୁଥିଲେ । ଜଣେ ନୌସେନା ଅଧିକାରୀ ଭାବରେ ଡେପୁଟି ଲେଫ୍ଟନାଣ୍ଟ ପ୍ରୀତିପାଲ ସିଂ ଗିଲ ଦେଓଲାଲି ସ୍କୁଲ ଅଫ୍ ଆର୍ଟିଲିରିରେ ଲଙ୍ଗ ଗୁନେରୀ ଷ୍ଟାଫ୍ ପାଠ୍ୟକ୍ରମ ଯୋଗ୍ୟତା ଅର୍ଜନ କରିଛନ୍ତି ।ଏହା ପରେ ଗିଲଙ୍କୁ ଭାରତୀୟ ସ୍ଥଳସେନାକୁ ସ୍ଥାନାନ୍ତର କରାଯାଇଥିଲା, ଯେଉଁଠାରେ ତାଙ୍କୁ ଗ୍ୱାଲିଅର ମାଉଣ୍ଟେନ୍ ବ୍ୟାଟେରୀରେ ପୋଷ୍ଟ କରାଯାଇଥିଲା । ଏହା ବ୍ୟତୀତ ସେ ମଣିପୁରର ଆସାମ ରାଇଫଲ୍ସରେ ମଧ୍ୟ କାର୍ଯ୍ୟ କରିଥିଲେ ।

Comments
Loading...