ଟିକାକରଣ କାର୍ଯ୍ୟକ୍ରମକୁ ବ୍ୟାପକ ପାଇଁ ଘରୋଇ କ୍ଷେତ୍ରଗୁଡ଼ିକୁ ନିୟୋଜିତ କରିବା ଆବଶ୍ୟକତା ରହିଛି: ମୁଖ୍ୟମନ୍ତ୍ରୀ

ଭୁବନେଶ୍ୱର :ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କୋଭିଡ୍‌-୧୯ ଭୂତାଣୁ ବିଶ୍ୱର ସମସ୍ତ ଅଞ୍ଚଳକୁ ବ୍ୟାପିଯିବା ଫଳରେ ପ୍ରତିଟି ମଣିଷ ପାଇଁ ଅତ୍ୟନ୍ତ କଷ୍ଟକର ବର୍ଷ ଥିଲା । ସ୍ୱାସ୍ଥ୍ୟଗତ ସମସ୍ୟା ସାଙ୍ଗକୁ ଅର୍ଥନୀତି ଓ ଜୀବନଜୀବିକା ଉପରେ ଏହାର ପ୍ରଭାବ ଯୋଗୁଁ ବିଭିନ୍ନ ପରିବାର ଓ ସମାଜ କ୍ଷତିଗ୍ରସ୍ତ ହୋଇଛନ୍ତି। ଏହି କଠିନ ପରିସ୍ଥିତିରେ ଆମର ସ୍ୱାସ୍ଥ୍ୟକର୍ମୀ ଓ ପ୍ରଶାସନିକ ବ୍ୟବସ୍ଥା ନିରନ୍ତର ଭାବେ କାର୍ଯ୍ୟ କରୁଛନ୍ତି। ସୌଭାଗ୍ୟରୁ ଓଡ଼ିଶାବାସୀଙ୍କ ସହଯୋଗରେ ଆମେ ସଂକ୍ରମଣକୁ ନିୟନ୍ତ୍ରଣ କରିବାରେ ସମର୍ଥ ହୋଇଛୁ ଏବଂ ଏହାଦ୍ୱାରା ହେଉଥିବା କ୍ଷତିକୁ ବହୁପରିମାଣରେ ହ୍ରାସ କରିପାରୁଛୁ।

ମୁଖ୍ୟମନ୍ତ୍ରୀ କହିଛନ୍ତି ଯେ ଟିକାକରଣ ଯୋଗୁଁ ମହାମାରୀ ଖୁବ୍‌ଶୀଘ୍ର ଶେଷ ହେବ ବୋଲି ନାଗରିକମାନଙ୍କ ମନରେ ଆଶା ଜାଗ୍ରତ ହୋଇଛି । ଏତେ କମ୍‌ ସମୟ ମଧ୍ୟରେ ଟିକା ଉଦ୍‌ଭାବନ କରିଥିବାରୁ ଆମେ ବୈଜ୍ଞାନିକ ଗୋଷ୍ଠୀଙ୍କ ପ୍ରତି କୃତଜ୍ଞ । ଏହା ଗୌରବର ବିଷୟ ଯେ ଭାରତ ଟିକା ଉତ୍ପାଦନର ନେତୃତ୍ୱ ନେଇଛି। ଟିକାକରଣ କାର୍ଯ୍ୟକ୍ରମକୁ ବ୍ୟାପକ କରିବା ପାଇଁ ଘରୋଇ କ୍ଷେତ୍ରଗୁଡ଼ିକୁ ନିୟୋଜିତ କରିବାର ଆବଶ୍ୟକତା ରହିଛି। କୋଭିଡ୍‌-୧୯ର ବିଭିନ୍ନ ସଂସ୍କରଣର ସଂକ୍ରମଣ ଅନେକ ଦେଶ ତଥା ଭାରତର ଅନେକ ରାଜ୍ୟରେ ମଧ୍ୟ ବାସ୍ତବରେ ଦେଖାଦେଉଥିବାରୁ ଆମକୁ ଅଧିକ ଯତ୍ନଶୀଳ ହେବାକୁ ପଡ଼ିବ। ଆମେମାନେ ପୁଣି ଲକ୍‌ଡାଉନ୍‌ ଯୁଗକୁ ଫେରି ପାରିବୁ ନାହିଁ ବୋଲି ସେ କହିଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି ଯେ ଏଥି ସହିତ ନବୀକୃତ ଉଦ୍ୟମ ମାଧ୍ୟମରେ ଭୂତାଣୁ ନିୟନ୍ତ୍ରଣ ହୋଇପାରିବ ବୋଲି ଆମକୁ ସୁନିଶ୍ଚିତ କରିବାକୁ ପଡ଼ିବ। ଏକ ଜନସଂଖ୍ୟାବହୁଳ ଦେଶ ଭାବରେ ଗୋଷ୍ଠୀ ରୋଗପ୍ରତିରୋଧକ ଶକ୍ତି ହାସଲ ଏକ ଦୀର୍ଘ ପ୍ରକ୍ରିୟା ହେବ ଏବଂ ଆମ ସମସ୍ତଙ୍କୁ ଅତ୍ୟନ୍ତ ସତର୍କ ରହିବାର ଆବଶ୍ୟକତା ରହିଛି । ଏହି ସଂଗ୍ରାମରେ ଆମେ ଭାରତ ସରକାରଙ୍କୁ ସମସ୍ତ ସମର୍ଥନ ଜାରି ରଖିବୁ ବୋଲି ସେ କହିଛନ୍ତି।