ଫନି ପ୍ରଭାବିତ ୧୪ଟି ଜିଲ୍ଲାରେ ଗୃହ ନିର୍ମାଣକୁ ନେଇ ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀଙ୍କ ପତ୍ର

ଭୁୂୁବନେଶ୍ୱର : ରାଜ୍ୟର ବାତ୍ୟା ଫନି ପ୍ରଭାବିତ ୧୪ଟି ଜିଲ୍ଲାର ୭ଲକ୍ଷ ୮୭ ହଜାର ଗୃହ ନିର୍ମାଣକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପତ୍ର ଲେଖିଛନ୍ତି।
ସେ ଏହି ପତ୍ରରେ ମୁଖ୍ୟମନ୍ତ୍ରୀ ଦର୍ଶାଇଛନ୍ତି ଯେ ଓଡିଶାରେ ଫନି ପ୍ରଭାବିତ ୧୪ଟି ଜିଲ୍ଲାର ୭ଲକ୍ଷ ୮୭ ହଜାର ଘର ପାଇଁ ଚିହ୍ନଟ ପାଇଁ  ଜିଓ ଟ୍ୟାଗିଂ ଓ ଆଧାର ନମ୍ବରକୁ ସଂଯୋଗ କରାଯାଇଛି। ଏମାନଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ)ର ସ୍ଥାୟୀ ପ୍ରତୀକ୍ଷା ସୂଚୀରେ ରଖିବା ଏବଂ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ)ର ସ୍ବତନ୍ତ୍ର ଘର ପାଇଁ ଅନୁଦାନ ମଞ୍ଜୁର କରିବାକୁ ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି। ଏହା ଦ୍ୱାରା ଫନି ପ୍ରଭାବିତ ଅଞ୍ଚଳର ପରିବାର ମାନଙ୍କୁ ଲାଭ ମିଳିବ ବୋଲି ସେ କହିଛନ୍ତି।

CM @Naveen_Odisha wrote to PM Shri @narendramodi urging him to consider sanctioning of 7.87 lakh special houses to #CycloneFani affected people under PMAY-G. CM said it will ensure safe housing to rural families of cyclone-prone areas which can withstand natural calamities.

— CMO Odisha (@CMO_Odisha) December 16, 2020

ସେହିପରି ଫନିରେ ପ୍ରଭାବିତ ହୋଇ ନ ଥିବା ବଳକା ୧୬ଟି ଜିଲ୍ଲାରେ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ)ର ସ୍ଥାୟୀ ପ୍ରତୀକ୍ଷା  ତାଲିକାରୁ ବାଦ ପଡ଼ିଥିବା ୧୬.୦୭ ଲକ୍ଷ ପରିବାରଙ୍କୁ ମଧ୍ୟ ରାଜ୍ୟ ସରକାର ଚିହ୍ନଟ କରିଛନ୍ତି। ସମସ୍ତଙ୍କ ପାଇଁ ସୁରକ୍ଷିତ ଘରର ଲକ୍ଷ୍ୟ ହାସଲ କରିବାକୁ କେନ୍ଦ୍ର ଗ୍ରାମୀଣ ବିକାଶ ମନ୍ତ୍ରଣାଳୟକୁ ଆବାସ ପ୍ଲସ ମୋବାଇଲ ଆପର ୱିଣ୍ଡୋ ଖୋଲିବାକୁ ପରାମର୍ଶ ଦେବାକୁ ଏହି ପତ୍ରରେ ମୁଖ୍ୟମନ୍ତ୍ରୀ ଅନୁରୋଧ କରିଛନ୍ତି ଓ ଏହାଦ୍ୱାରା ଏମାନଙ୍କର ଜିଓ ଟାଗିଂ ହୋଇ ପାରିବ ବୋଲି ସେ ପତ୍ରରେ ଉଲ୍ଲେଖ କରିଛନ୍ତି।