ଅସଦାଚରଣ ବିରୋଧରେ ଗାର୍ଗୀ କଲେଜରେ ଛାତ୍ରୀଙ୍କ ପ୍ରତିବାଦ ପ୍ରଦର୍ଶନ
ନୂଆଦିଲ୍ଲୀ: ଦିଲ୍ଲୀ ବିଶ୍ବବିଦ୍ୟାଳୟ ଅଧିନରେ ଥିବା ଗାର୍ଗୀ କଲେଜ ଉତ୍ସବରେ ଛାତ୍ରୀଙ୍କ ସହ ହୋଇଥିବା ଅସଦାଚରଣ ମାମଲା ଏବେ ବଡ ପ୍ରସଙ୍ଗ ପାଲଟିଛି। ଏହି ମାମଲା ସଂସଦରେ ମଧ୍ୟ ଝଡ ସୃଷ୍ଟି କରିଛି। ଏନେଇ କଲେଜ କର୍ତ୍ତୃପକ୍ଷ ଚୁପ୍ ରହିଥିବାର ଛାତ୍ରୀମାନେ ସୋମବାର ପ୍ରତିବାଦ ପ୍ରଦର୍ଶନ କରିଛନ୍ତି ଏବଂ ନିଜର ସୁରକ୍ଷା ଦାବି କରିଛନ୍ତି। ଏହି ମାମଲାର ପୁଲିସ ତଦନ୍ତ ଆରମ୍ଭ କରିଛି। ଏହି ମାମଲାକୁ କେନ୍ଦ୍ର କରି ବିରୋଧୀ ଦଳ ଶାସକ ଦଳକୁ ଘେରିଛନ୍ତି।
गार्गी कॉलेज में हमारी बेटियों के साथ बद्सलूकी बेहद दुखद और निराशाजनक है। इसे क़तई बर्दाश्त नहीं किया जा सकता। दोषियों को पकड़ कर सख्त से सख्त सजा मिलनी चाहिए। और ये सुनिश्चित हो कि हमारे कॉलेजों में पढ़ने वाले बच्चे सुरक्षित हों।
— Arvind Kejriwal (@ArvindKejriwal) February 10, 2020
ଏହି ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଟୁଇଟ୍ କରି ଲେଖିଛନ୍ତି, ଗାର୍ଗୀ କଲେଜରେ ଛତ୍ରୀଙ୍କ ସହ ଅସଦାଚରଣ ଦୁଃଖର ବିଷୟ ଏବଂ ନିରାଶଜନକ। ଏହାକୁ କଦାପି ଗ୍ରହଣ କରାଯିବନାହିଁ। ଅଭିଯୁକ୍ତମାନଙ୍କୁ ଧରାଯାଇ କଠୋରରୁ ଅତି କଠୋର ଦଣ୍ଡ ମିଳିବା ଉଚିତ୍। ଏହା ସୁନିଶ୍ଚିତ ଯେ ଆମ କଲେଜରେ ପଡୁଥିବା ଛାତ୍ରୀମାନେ ସୁରକ୍ଷିତ।
ସୂଚନାଯୋଗ୍ୟ, ଗତ ସପ୍ତାହରେ କଲେଜରେ ଚାଲିଥିବା ‘ରିଭେରି’ ଉତ୍ସବରେ କିଛି ଦୁର୍ବୃତ୍ତ ନିଶାସକ୍ତ ଅବସ୍ଥାରେ କଲେଜ ପରିସରରେ ପସି ଛାତ୍ରୀଙ୍କ ସହ ଅସଭ୍ୟ ବ୍ୟବହାର କରିଥିଲେ।
Comments are closed.