ଟିଟିଲାଗଡ଼ : ଟିଟିଲାଗଡ ବ୍ଲକ ବିଜେପୁର ଗ୍ରାମପଂଚାୟତ ସରପଂଚ ସୁଚିତ୍ରା ନାଗ ବୁଧବାର ତାଙ୍କ ଜିଲାପାଳ କ୍ଷମତା ପ୍ରୟୋଗ କରି ବିଜେପୁର ସଙ୍ଗରୋଧ କେନ୍ଦ୍ର ଦୁଇଟିର ୧୦୦ ମିଟର ପରିଧି ଅଂଚଳରେ ଅନିର୍ଦ୍ଦିଷ୍ଟ ସମୟ ପାଇଁ ୧୪୪ ଧାରା ଜାରି କରିଛନ୍ତି। ବିଭିନ୍ନ ରାଜ୍ୟରୁ ଫେରିଥିବା ୧୨୬ ଜଣ ପ୍ରବାସୀ ଶ୍ରମିକ ସମ୍ପ୍ରତି ବିଜେପୁର ଗ୍ରାମରେ ଥିବା ସରକାରି ହାଇସ୍କୁଲ ଏବଂ ସମବାୟ ବିଭାଗ ଧାନ ଗୋଦାମରେ ଅବସ୍ଥାନ କରୁଛନ୍ତି। କେନ୍ଦ୍ରରେ ରହିଥିବା ଗର୍ଭବତୀ ମହିଳା, ଶିଶୁଙ୍କ ପାଇଁ ବିଶେଷ ସତର୍କତା ଗ୍ରହଣ କରାଯାଇଛି। ଏପରିପ୍ରେକ୍ଷୀରେ ସ୍ଥାନୀୟ ଲୋକ ତଥା ପରିଜନ ଅଯଥା ଭିଡକୁ ଏଡାଇବା ପାଇଁ ୧୪୪ ଧାରା ଜାରି କରିଥିବା ସରପଂଚ ଶ୍ରୀମତି ନାଗ କହିଛନ୍ତି। ଏନେଇ ସରପଂଚଙ୍କ କାର୍ଯ୍ୟାଳୟ ପକ୍ଷରୁ ଟିଟିଲାଗଡ ଥାନା ଆଇଆଇସିଙ୍କୁ ପତ୍ର ଦ୍ବାରା ସୂଚିତ କରାଯାଇଛି। କେନ୍ଦ୍ର ଦ୍ୱୟର ପରିଚାଲନା ନେଇ ସରପଂଚଙ୍କ ନେତୃତ୍ୱରେ ନୋଡାଲ ଅଫିସର ତଥା ଇଓ ରାଜେଶ ଭାତ୍ରା, ଜିଆରଏସ ଉମେଶ ବଗର୍ତି, ଜେଏସ ପ୍ରଶାନ୍ତ ବଗର୍ତି, ଅଙ୍ଗନବାଡି କର୍ମି ଆରାଧନା ମିଶ୍ର, ଆଶା ପୁଷ୍ପାଞ୍ଜଲି ଦଣ୍ଡସନା, ସମାଜସେବୀ ରମେଶ ବେହେରା ପ୍ରମୁଖ ସହାୟତା କରୁଛନ୍ତି।
Comments are closed.