ପୁରୀ : ସର୍ବୋଚ୍ଚ ନ୍ୟାୟାଳୟ ପ୍ରଧାନ ବିଚାରପତି ଜଷ୍ଟିସ ଏନ୍. ଭି ରମଣା ଶୁକ୍ରବାର ରାତିରେ ଶ୍ରୀମନ୍ଦିର ଚାରିପାଖ ଐତିହ୍ୟ କରିଡର ବୁଲି ଦେଖିଛନ୍ତି । ପ୍ରସ୍ତାବିତ ପ୍ରକଳ୍ପ ସଂପର୍କରେ ପ୍ରଶାସନ ପକ୍ଷରୁ ତାଙ୍କୁ ଅବଗତ କରାଯାଇଛି । ଜଷ୍ଟିସ ରମଣା କଡା ସୁରକ୍ଷା ମଧ୍ୟରେ ସିଂହଦ୍ୱାର ନିକଟରେ ପହଞ୍ଚିଥିଲେ। ଶ୍ରୀ ମନ୍ଦିର ସିଂହଦ୍ଵାର ବନ୍ଦ ଥିବାରୁ ସେ ଭିତରକୁ ଯାଇ ନାହାନ୍ତି । ଆସନ୍ତାକାଲି ସକାଳେ ସେ ମହାପ୍ରଭୁଙ୍କୁ ଦର୍ଶନ କରିବେ।
ପ୍ରଧାନ ବିଚାରପତି ଜଷ୍ଟିସ ଏନ. ଭି ରମଣାଙ୍କୁ ଓଡ଼ିଶା ହାଇକୋର୍ଟ ମୁଖ୍ୟ ବିଚାରପତି ଜଷ୍ଟିସ ଏସ ମୂରଲୀଧର, ମହାଧିବକ୍ତା ଅଶୋକ ପରିଜା, ପୂରୀ ସାଂସଦ ପିନାକୀ ମିଶ୍ର, ୫ ଟି ସଚିବ ଭି. କେ. ପଣ୍ଡିଆନ , ଶ୍ରୀ ମନ୍ଦିର ମୁଖ୍ୟପ୍ରଶାସକ କ୍ରିଷନ କୁମାର ସ୍ବାଗତ କରିଥିଲେ । ଜିଲ୍ଲାପାଳ ସମର୍ଥ ବର୍ମା ଏବଂ ଆରକ୍ଷୀ ଅଧିକ୍ଷକ କନୱର ବିଶାଳ ସିଂହ ପ୍ରମଖ ଉପସ୍ଥିତ ଥିଲେ।
Comments are closed.