ଏକ କୋଟିରୁ ଅଧିକ ଟଙ୍କାର ଗଞ୍ଜେଇ ଜବତ ; ଚାଲାଣକାରୀ ଗିରଫ

ଚିତ୍ରକୋଣ୍ଡା :  ପୁଣି କିଛିଦିନ ର ବ୍ୟବଧାନ ପରେ ଚିତ୍ରକୋଣ୍ଡା ପୁଲିସକୁ ମିଳିଛି ଆଉ ଏକ ବଡ଼ ସଫଳତା। ଟ୍ରାକ୍ଟର ଯୋଗେ ପଡୋଶୀ ଆନ୍ଧ୍ରକୁ ଚୋରା ଚାଲାଣ କରାଯାଉଥିବା ଗଞ୍ଜେଇ ସହ ଚୋରା ଚାଲାଣ କାରୀକୁ  ଚିତ୍ରକୋଣ୍ଡା ପୁଲିସ ଗିରଫ କରିଛି ।୧୧୧୩ କେ ଜି ୬୦୦ ଗ୍ରାମ ଓଜନର  ଗଞ୍ଜେଇ ଜବତ କରିବା ସହ ଏହାର ଆନୁମାନିକ ମୂଲ୍ୟ ୧ କୋଟି ଅଧିକ ଟଙ୍କା ହେବ ବୋଲି ଜଣାପଡିଛି।
ସୂଚନା ଅନୁଯାୟୀ କୌଣସି ଏକ ବିଶ୍ବସ୍ତ ସୂତ୍ରରୁ ଖବର ପାଇ ଚିତ୍ରକୋଣ୍ଡା ଥାନା ଭାରପ୍ରାପ୍ତ ଅଧିକାରୀ ସୂର୍ୟ ପ୍ରକାଶ ନାୟକଙ୍କ ନେତୃତ୍ୱରେ ଚିତ୍ରକୋଣ୍ଡା ପୁଲିସର ଏକ ଟିମ ୧୫ତାରିଖ ରାତିରେ ଚିତ୍ରକୋଣ୍ଡା ବ୍ଲକ ଅନ୍ତର୍ଗତ କପାତୁଟି ପଂଚାୟତର ସିଲ ପଣ୍ଟି ଘାଟି ନିକଟରେ ପେଟ୍ରୋଲିଂ କରୁଥିବା ସମୟରେ କୁରମାନୁର ଗ୍ରାମରୁ ଆନ୍ଧ୍ର ଅଭିମୁଖେ ଯାଉଥିବା ଏକ ଟ୍ରାକ୍ଟର କୁ ଅଟକାଇ ଯାଞ୍ଚ କରିବା ସମୟରେ ସେଥିରେ ଗଞ୍ଜେଇ ଥିବା ଜାଣିବାକୁ ପାଇଥିଲେ। ପୁଲିସକୁ ଦେଖି ଟ୍ରାକ୍ଟର ରେ ବସିଥିବା କିଛି ଲୋକ ଅନ୍ଧାର ର ସୁଯୋଗ ନେଇ ଟ୍ରାକ୍ଟର ରୁ ଡେଇଁ ପଳାଇ ଥିଲେ। ପୁଲିସ ଜଣେ ଅଭିଯୁକ୍ତ କୁ କାବୁ କରିବାରେ ସଫଳ ହୋଇଥିଲା । ଅଭିଯୁକ୍ତ ଜଣକ ହେଲେ ଦାତୁନଗୁଡା ଗ୍ରାମର ସୁକଦେଵ ଖରା ( ୨୩)   । ଉକ୍ତ ଜବତ ଗଞ୍ଜେଇକୁ ଚିତ୍ରକୋଣ୍ଡା ଥାନା କୁ ଆଣି ଓଜନ କରିବାରୁ ୧୧୧୩ କେ ଜି ୬୦୦ ଗ୍ରାମ ଓଜନ ଥିବା ଓ ଏହାର ଆନୁମାନିକ ମୂଲ୍ୟ ୧କୋଟି ୧୦ ଲକ୍ଷ ୮୫  ହଜାର ଟଙ୍କା ହେବା ନେଇ ଚିତ୍ରକୋଣ୍ଡା ଥାନା ଅଧିକାରୀ ପ୍ରକାଶ କରିଛନ୍ତି । ଏଥିସହ ଗଞ୍ଜେଇ ନେଉଥିବା ଟ୍ରାକ୍ଟର , ନଗଦ ୬୫୦ ଟଙ୍କା , ସହ ଅଭିଯୁକ୍ତ ର ଆଧାର କାର୍ଡ, ଭୋଟର ପରିଚୟ ପତ୍ର ଜବତ କରିଛନ୍ତି। ଚିତ୍ରକୋଣ୍ଡା ଥାନା କେସ ନଂ ୫୦/ ୧୬/୪/୨୦୨୧ ଅନୁଯାୟୀ ଅଭିଯୁକ୍ତ କୁ ମାଲକାନଗିରି ଜିଲ୍ଲା କୋର୍ଟରେ ହାଜର କରାଯାଇଛି।

Comments
Loading...