ବିଶ୍ବକୁ କରୋନା ଦେଇ ମହାକାଶ ଅଭିଯାନରେ ଚୀନ୍

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡ଼ୋନାଲ୍ଡ଼ ଟ୍ରମ୍ପଙ୍କ ତଥାକଥିତ ‘ଚୀନା ଭୂତାଣୁ’ କରୋନା ସାରା ବିଶ୍ବକୁ ନୟାନ୍ତ କରି ସାରିଲାଣି । ବିଶ୍ବର ଦୁଇଶହ ଦେଶ ଏବେ କରୋନା ଲଢ଼େଇରେ ବ୍ୟସ୍ତ । ଚୀନରେ ମଧ୍ୟ କରୋନା ମୃତ୍ୟୁ ସଂଖ୍ୟା ୪ ହଜାରରୁ ଅଧିକ । ଏହା ସତ୍ତ୍ବେ ନିଜ ମହାକାଶ ଗବେଷଣାରୁ ଓହରିନାହିଁ ଚୀନ୍ । ଚନ୍ଦ୍ରରେ ନିଜର ମହାକାଶ କେନ୍ଦ୍ର ସ୍ଥାପନ ନିମନ୍ତେ ଚୀନ୍ ରକେଟ୍ ଉତକ୍ଷେପଣ କରିଥିବା ସୂଚନା ମିଳିଛି ।
ଜିନହୁଆ ସୂତ୍ରରୁ ମିଳିଥିବା ସୂଚନା ଅନୁସାରେ ଚୀନର ଦକ୍ଷିଣାଞ୍ଚଳ ଉପଦ୍ବୀପ ହାଇନାରୁ ଏହି ରକେଟ୍ ଉତକ୍ଷେପଣ କରାଯାଇଛି ।  ଉତକ୍ଷେପଣର ୮ ମିନିଟ୍ ପରେ ଏହି ମହାକାଶଯାନ ସଫଳତାର ସହ ରକେଟରୁ ପୃଥକ ହୋଇଛି । ୨୦୨୨ ମସିହା ମଧ୍ୟରେ ଚନ୍ଦ୍ରରେ ନିଜର କେନ୍ଦ୍ର ସ୍ଥାପନ କରିବାକୁ ଚୀନ ଲକ୍ଷ୍ୟ ରଖିଛି । ବର୍ତମାନ ସୁଦ୍ଧା ପୃଥିବୀରେ ଏକମାତ୍ର ଦେଶ ଭାବରେ ଆମେରିକା ଚନ୍ଦ୍ରକୁ ମଣିଷ ପଠାଇବା କ୍ଷେତ୍ରରେ ସଫଳତା ଅର୍ଜନ କରିଛି । ଚୀନ ଚନ୍ଦ୍ରକୁ ମଣିଷ ପଠାଇବା କ୍ଷେତ୍ରରେ ସଫଳ ହୋଇ ନ ଥିଲେ ମଧ୍ୟ ଚନ୍ଦ୍ର କକ୍ଷରେ ମହାକାଶ ଯାନ ସ୍ଥାପନ କରିବାରେ ସଫଳତା ପାଇଛି ଏବଂ ଗତବର୍ଷ ଚନ୍ଦ୍ରପୃଷ୍ଠରେ ଲ୍ୟାଣ୍ଡ ରୋଭର ଅବତରଣ କରି ପାରିଛି । ୫୪ ମିଟର ଲମ୍ବ ୮୪୯ ଟନ୍ ଓଜନ ବିଶିଷ୍ଟ ମାର୍ଚ୫ବି ମହାକାଶ ଯାନର ସଫଳତା ନେଇ ଚୀନ ଆଶାବାଦୀ ।

 

Comments
Loading...