ଶାନ୍ତ ପରିବେଶରେ ପିଲାମାନେ ଭଲ ପାଠ ପଢ଼ିଥାନ୍ତି। ବିଶେଷଜ୍ଞଙ୍କ ମତରେ ସେମାନଙ୍କ ଖାଦ୍ୟ ପ୍ରତି ମଧ୍ୟ ମା’ମାନେ ସତର୍କ ରହିବା ଜରୁରୀ। ଦିଲ୍ଲୀର ଜନୈକ ନାମୀ ଖାଦ୍ୟ ବିଶେଷଜ୍ଞ ମେଘା ମଖିଜାଙ୍କ କହିବାନୁସାରେ, ଜୀବନଶୈଳୀ ଭଲ ରହିଲେ ତାହା ପିଲାଙ୍କ ପାଠପଢ଼ା ସହ ଦୈନନ୍ଦିନ କାର୍ଯ୍ୟକଳାପକୁ ପ୍ରଭାବିତ କରେ। ବର୍ତ୍ତମାନ ମହାମାରୀ କାରଣରୁ ବିଦ୍ୟାଳୟ, ମହାବିଦ୍ୟାଳୟ ବନ୍ଦ ରହିଛି। ଏପରି ସମୟରେ ସେମାନଙ୍କ ଉପରେ ଧ୍ୟାନ ଦିଆଯିବା ଜରୁରୀ ନଚେତ୍ ଅବସାଦଗ୍ରସ୍ତ ହେବାର ଭୟ ଥିବାର ସେ କହିଛନ୍ତି।
– ସପ୍ତାହରେ ୩-୪ଥର ପିଲାଙ୍କୁ କଖାରୁ ମଞ୍ଜି ଖାଇବାକୁ ଦିଅନ୍ତୁ। ଏହାକୁ କୌଣସି ତରକାରୀରେ ନଚେତ୍ ହାଲ୍କା ଭାଜି ଜଳଖିଆ ଭାବେ ୧-୨ଚାମଚ ସନ୍ଧ୍ୟାବେଳେ ଦେଇପାରିବେ। ଏଥିରେ ଜିଙ୍କ୍, ମାଙ୍ଗାନିଜ୍, କପର୍, ଲୌହ ପୋଷକତତ୍ତ୍ବ ଥିବାରୁ ସ୍ମୃତିଶକ୍ତି ବୃଦ୍ଧିକାରକ ଭାବେ କାମ କରେ।
– ଡାର୍କ ଚକୋଲେଟ୍ ଓ ହଳଦୀରେ ଆଣ୍ଟିଅକ୍ସିଡାଣ୍ଟ ଭରପୂର ଥାଏ। ଅନୁସନ୍ଧାନରୁ ପ୍ରମାଣିତ ହୋଇଛି ଏଥିରେ ଥିବା ପୋଷକତତ୍ତ୍ବ ଆମ ମସ୍ତିଷ୍କର କୋଷିକାକୁ ସକ୍ରିୟ ରଖିବାରେ ସହାୟକ।
– ଲୋକପ୍ରିୟ ଡ୍ରାଏଫ୍ରୁଟସ୍ ଭାବେ ଅଖରୋଟ ଜଣାଯାଉଥିବାବେଳେ ଏହାର ଅନ୍ୟ ନାମ ‘ବ୍ରେନ୍ ଫୁଡ୍’। ପଲିଫିନୋ୍, ଓମେଗା ଥ୍ରୀ ଫ୍ୟାଟି ଏସିଡ୍, ଭିଟାମିନ୍ ଇ ଭରପୂର ଅଖରୋଟ ମଧ୍ୟ ସ୍ମୃତିଶକ୍ତି ବଢ଼ାଇଥାଏ।
Comments are closed.