ଦିଗପହଣ୍ଡିରେ ଜାତୀୟ ମତ୍ସ୍ୟଚାଷୀ ଦିବସ ପାଳିତ

ଚିକିଟି: ଦିଗପହଣ୍ଡି ବ୍ଲକ ପୁଞ୍ଜିକଇଆଁ ଛକ ନିକଟସ୍ଥ ସରକାରୀ ମତ୍ସ୍ୟ ଜାଆଁଳ କେନ୍ଦ୍ର ପରିସରରେ ଆଜି ଜାତୀୟ ମତ୍ସ୍ୟଚାଷୀ ଦିବସ ପାଳିତ ହୋଇଯାଇଛି। କାର୍ପ ଜାତୀୟ ମାଛଙ୍କ ପ୍ରଣୋଦିତ ପ୍ରଜନନ କ୍ଷେତ୍ରରେ ଉଲ୍ଲେଖନୀୟ ସଫଳତା ନିମନ୍ତେ ବିଶିଷ୍ଟ ମତ୍ସ୍ୟ ବୈଜ୍ଞାନିକ ଡଃ କେ.ଏଚ. ଆଲିକୁନି ଓ ଡଃ ହିରାଲାଲ ଚୌଧୁରୀଙ୍କୁ ସ୍ମରଣ କରିବା ଉଦ୍ଦେଶ୍ୟରେ ଏହି ଦିବସଟିକୁ ଜାତୀୟ ମତ୍ସ୍ୟ ଚାଷୀ ଦିବସ ଭାବେ ପାଳନ କରାଯାଇଛି। ମସ୍ୟ ଉତ୍ପାଦନକୁ ବୃଦ୍ଧି କରିବା ପଛରେ ଜଡିତ ଥିବା ମାଛ ଚାଷୀ ଓ ମସ୍ୟ ଉଦ୍ୟୋଗୀମାନଙ୍କ ଅବଦାନକୁ ମଧ୍ୟ ଏହି ଦିନ ପ୍ରୋତ୍ସାହିତ କରାଯାଏ। ଏହି କ୍ରମରେ ଦିଗପହଣ୍ଡି ବ୍ଲକ ପୁଞ୍ଜିକଣ୍ଢା ଛକ ନିକଟସ୍ଥ ସରକାରୀ ମତ୍ସ୍ୟ ଜାଆଁଳ କେନ୍ଦ୍ର ପରିସରରେ ଜାତୀୟ ମତ୍ସ୍ୟଚାଷୀ ଦିବସ ପାଳିତ ହୋଇଯାଇ ଚଳିତ ବର୍ଷ ମୋ ପୋଖରୀ ଯୋଜନା ମାଧ୍ୟମରେ ନୂତନ ପୋଖରୀ ଖୋଳିଥିବା ମାଛ ଚାଷୀଙ୍କୁ ବ୍ଳକ ମତ୍ସ୍ୟ ବିଭାଗ ତରଫରୁ ସମ୍ମାନିତ କରାଯାଇଥିଲା।

ଗ୍ରାମାଞ୍ଚଳରେ ମାଛ ଚାଷର ରୂପାନ୍ତରୀକରଣର ଉଦ୍ଦେଶ୍ୟ ନେଇ କୋଭିଡ କଟକଣା ପାଳନ ସହ ଆୟୋଜିତ ଏହି କାର୍ଯ୍ୟକ୍ରମରେ ଦିଗପହଣ୍ଡି ବ୍ଲକ ଉନ୍ନୟନ ଅଧୁକାରୀ ହଳଧର ଶବର, ଦିଗପହଣ୍ଡି କୃଷି ଜିଲ୍ଲା ଅଧୁକାରୀ ଆନନ୍ଦ ସାସମଲ, ବ୍ଲକ କୃଷି ଅଧୁକାରୀ ପଦାରବିନ୍ଦ ସାହୁ, ବ୍ଲକ ପ୍ରାଣୀଧନ ଅଧୁକାରୀ ଡଃ ଆଶିଷ ଦୋର, ଜିପିଇଓ ଉମେଶ ସେଠୀ, ଜୟଭଦ୍ର ମହାରଣା, ସନ୍ତୋଷ ବାରିକ ପ୍ରମୁଖ ଉପସ୍ଥିତ ଥିଲେ। ଦିଗପହଣ୍ଡି ସହକାରୀ ମତ୍ସ୍ୟ ଅଧୁକାରୀ ନିଖୁଲ କୁମାର ମହାରଣା କାର୍ଯ୍ୟକ୍ରମ ପରିଚାଳନା କରିଥିଲେ।

Comments
Loading...