୨୦୨୧ ପ୍ରାରମ୍ଭରେ ଭାରତର ଚନ୍ଦ୍ରଯାନ-୩ ଅଭିଯାନ

ନୂଆଦିଲ୍ଲୀ : ଭାରତୀୟ ମହାକାଶ ଗବେଷଣା ସଂଗଠନ(ଇସ୍ରୋ) କ୍ରମାଗତ ଭାବେ ମହାକାଶରେ ନୂତନ ରେକର୍ଡ ପ୍ରତିଷ୍ଠା କରୁଛି। ଏହି ପର୍ଯ୍ୟାୟରେ ଆଉ ଏକ ସଫଳତା ଯୋଡିବାକୁ ପ୍ରସ୍ତୁତ ହୋଇ ଇସ୍ରୋ, ୨୦୨୧ ପ୍ରାରମ୍ଭରେ ଚନ୍ଦ୍ରଯାନ-୩ ଅଭିଯାନ  ଆରମ୍ଭ କରିପାରେ।

କେନ୍ଦ୍ର ମହାକାଶ ରାଷ୍ଟ୍ରମନ୍ତ୍ରୀ ଡକ୍ଟର ଜିତେନ୍ଦ୍ର ସିଂ କହିଛନ୍ତି, ୨୦୨୧ ବର୍ଷ ପ୍ରାରମ୍ଭରେ ଭାରତର ଚନ୍ଦ୍ରମା ମିଶନ ଚନ୍ଦ୍ରଯାନ-୩ ଅଭିଯାନ ଆରମ୍ଭ ହେବ। ଚନ୍ଦ୍ରଯାନ-୨ ଭଳି ଚନ୍ଦ୍ରଯାନ-୩ରେ ଲ୍ୟାଣ୍ଡର ଓ ରୋଭର ସାମିଲ ହେବ। ତେବେ ଏଥିରେ ଅର୍ବିଟର ରହିବ ନାହିଁ। ଇତିମଧ୍ୟରେ ଭାରତର ସର୍ବପ୍ରଥମ ନିଜସ୍ୱ ମାନବ ମହାକାଶ ଅଭିଯାନ ଗଗନଯାନ ଲାଗି ପ୍ରସ୍ତୁତି ଜାରି ରହିଥିବା ମନ୍ତ୍ରୀ ଶ୍ରୀ ସିଂହ କହିଛନ୍ତି। ଗଗନଯାନ ପ୍ରସ୍ତୁତିରେ କୋଭିଡ-୧୯ପ୍ରତିବନ୍ଧକ ସୃଷ୍ଟି କରିଥିବା ସତ୍ତ୍ବେ ଏଥିପାଇଁ ଧାର୍ଯ୍ୟ ସମୟସୀମା ୨୦୨୨ ମସିହା ସୁଦ୍ଧା ଏହା ସଂପୂର୍ଣ୍ଣ ହେବ ବୋଲି ଶ୍ରୀ ସିଂହ କହିଛନ୍ତି।

ଗତ ବର୍ଷ ଜୁଲାଇ ୨୨ ରେ ଚନ୍ଦ୍ରଯାନ-୨ ଉତକ୍ଷେପଣ କରାଯାଇଥିଲା। ଚନ୍ଦ୍ରର ଦକ୍ଷିଣ ଗୋଲାର୍ଦ୍ଧରେ ଅବତରଣ କରିବାକୁ ଯୋଜନା କରାଯାଇଥିଲା। କିନ୍ତୁ ଲ୍ୟାଣ୍ଡର ବିକ୍ରମ ସେପ୍ଟେମ୍ବର ୪ରେ ଏକ କଠିନ ଅବତରଣ କରିଥିଲା ଏବଂ ପ୍ରଥମ ପ୍ରୟାସରେ ପୃଥିବୀର ଉପଗ୍ରହ ପୃଷ୍ଠକୁ ଛୁଇଁବାର କିଛି ସମୟ ପୂର୍ବରୁ ଭାରତର ସ୍ୱପ୍ନ ଧ୍ୱଂସ ଧୂଳିସାତ ହୋଇଯାଇଥିଲା।

ଅଭିଯାନ ଅଧୀନରେ ପଠାଯାଇଥିବା ଆର୍ବିଟର ଭଲ କାମ କରୁଛି ଏବଂ ସୂଚନା ପଠାଉଛି। ୨୦୦୮ରେ ଚନ୍ଦ୍ରଯାନ-୧ ଉତକ୍ଷେପଣ କରାଯାଇଥିଲା |

ଡକ୍ଟର ସିଂହ କହିଛନ୍ତି ଯେ ଇସ୍ରୋର ପ୍ରଥମ ଚନ୍ଦ୍ର ମିଶନ କିଛି ଚିତ୍ର ପଠାଇଛି ଯାହା ଦର୍ଶାଉଛି ଯେ ଚନ୍ଦ୍ରର ଗୋଲାର୍ଦ୍ଧ ଗୁଡ଼ିକ କଳଙ୍କ ପରି ଦେଖାଯାଉଛି |

ଏହି ବିବୃତ୍ତିରେ କୁହାଯାଇଛି ଯେ ନ୍ୟାସନାଲ ଏରୋନେଟିକ୍ସ ଆଣ୍ଡ ସ୍ପେସ୍ ଆଡମିନିଷ୍ଟ୍ରେସନ (ନାସା)ର ବୈଜ୍ଞାନିକମାନେ କହିଛନ୍ତି ଯେ ଏହା ସମ୍ଭବ ଯେ ପୃଥିବୀର ନିଜସ୍ୱ ବାୟୁମଣ୍ଡଳ ଏହାକୁ ସାହାଯ୍ୟ କରୁଛି, ଅନ୍ୟ ଅର୍ଥରେ ପୃଥିବୀର ବାୟୁମଣ୍ଡଳ ମଧ୍ୟ ଚନ୍ଦ୍ରକୁ ସୁରକ୍ଷା ଦେଇଥାଏ।

ତେଣୁ, ଚନ୍ଦ୍ରଯାନ-୧ର ତଥ୍ୟ ସୂଚିତ କରୁଛି ଯେ ଚନ୍ଦ୍ରର ଗୋଲାର୍ଦ୍ଧରେ ଜଳ ଅଛି, ଯାହା ବୈଜ୍ଞାନିକମାନେ ଜାଣିବାକୁ ଚେଷ୍ଟା କରୁଛନ୍ତି।