ସଫଳତାର ସହ ଜୀବନଯାପନ କରିବା ପାଇଁ ଚାଣକ୍ୟ ନୀତିରେ ଅନେକ ଉପାୟ ରହିଛି। କିନ୍ତୁ ସେଥିମଧ୍ୟରୁ ଏହି ୪ଟି ଉପାୟ, ଯାହା ଜୀବନରେ ସୁଖ-ସମୃଦ୍ଧି ଆଣିଦେବ। ଏହା ସହ ଜୀବନରେ କେବେ ଅସଫଳ ହେବେ ନାହିଁ।
ଆର୍ଥିକ ସ୍ଥିତି: ଚାଣକ୍ୟ ନୀତି ଅନୁଯାୟୀ ଜୀବନରେ କଦାପି ନିଜର ଆର୍ଥିକ ସ୍ଥିତି ବିଷୟରେ କାହାକୁ କହିବା ଉଚିତ୍ ନୁହେଁ। ଜୀବନରେ ଯେତେ ଅସୁବିଧା ଆସୁ ନା କାହିଁକି ଆତ୍ମବିଶ୍ବାସ ହରାନ୍ତୁ ନାହିଁ। ସମସ୍ତଙ୍କୁ ନିଜର ଅସୁବିଧା ବିଷୟରେ କହିବା ଦ୍ବାରା ସମାଧାନର ରାସ୍ତା ବାହାରେ ନାହିଁ, ବରଂ ତୁମର ପରିହାସ କରାଯିବ।
ଘର କଥା ଘରେ ରଖ: ଚାଣକ୍ୟ ନୀତି ଅନୁଯାୟୀ, ଯେଉଁମାନେ ନିଜ ଘରର ଛୋଟ ବଡ କଥା ବାହାରେ କୁହନ୍ତି, ସେମାନଙ୍କୁ ଜୀବନରେ ଅନେକ ଅସୁବିଧାର ସାମ୍ନା କରିବାକୁ ପଡେ। ତେଣୁ ଚାଣକ୍ୟ କହିଛନ୍ତି ଯେ, ଘର କଥା ଘରେ ରଖିବା ଉଚିତ୍।
ଅପମାନକୁ ଗୁପ୍ତ ରଖନ୍ତୁ: ଚାଣକ୍ୟ କହିଛନ୍ତି ନିଜର ଅପମାନକୁ ଗୁପ୍ତ ରଖ, ଅନ୍ୟ ଆଗରେ ପ୍ରକାଶ କର ନାହିଁ। ଏହା ଦ୍ବାରା କେବଳ ପରିହାସର ସାମ୍ନା କରିବାକୁ ପଡେ।
ଦୁଃଖ-ଯନ୍ତ୍ରଣା ଅନ୍ୟକୁ ଜଣାନ୍ତୁ ନାହିଁ: ଚାଣକ୍ୟ ନୀତି ଅନୁଯାୟୀ ନିଜର ଦୁଃଖ ଏବଂ ଯନ୍ତ୍ରଣା ବିଷୟରେ କାହାକୁ ଜଣାନ୍ତୁ ନାହିଁ। ଏହା ଦ୍ୱାରା ନିଜର ଦୁର୍ବଳତା ବିଷୟରେ ଅନ୍ୟକୁ ଜଣାପଡିଥାଏ।