ପୂର୍ବତନ ମନ୍ତ୍ରୀଙ୍କ କୁଳାଙ୍ଗାର ପୁଅ: ୨ଶହ ଯୁବତୀଙ୍କୁ ଯୌନ ନିର୍ଯାତନା, ସପ୍ତମ ଶ୍ରେଣୀ ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗ

ଅଦାଲତରେ ଅଭିଯୋଗ ଫର୍ଦ୍ଦ ଦାଖଲ କଲା ପୁଲିସ

ଜମ୍ମୁ: ଜମ୍ମୁର ଦୋମାନା ପୁଲିସ ୬ ମାସ ପୂର୍ବ ଦୁଷ୍କର୍ମ ମାମଲାରେ ପୂର୍ବତନ ମନ୍ତ୍ରୀଙ୍କ ପୁଅଙ୍କ ବିରୋଧରେ ଅଭିଯୋଗ ଫର୍ଦ୍ଦ ଦାଖଲ କରିଛି। ପୂର୍ବତନ ମନ୍ତ୍ରୀ ଅବଦୁଲ ଗନୀ ବକିଲଙ୍କ ପୁଅ ଆବିଦ ଗନୀ ସପ୍ତମ ଶ୍ରେଣୀର ଜଣେ ଛାତ୍ରୀଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି। କେବଳ ଏତିକି ନୁହେଁ ଆବିଦଙ୍କ ବିରୋଧରେ ବେଙ୍ଗାଲୁରୁରେ ମଧ୍ୟ ଦୁଷ୍କର୍ମ ମାମଲା ଦାୟର ହୋଇଛି। ପୁଲିସ ଏହା ମଧ୍ୟ କହିଛି ଯେ, ବେଙ୍ଗାଲୁରୁରେ ମନ୍ତ୍ରୀଙ୍କ ପୁଅ ୨୦୦ ଯୁବତୀଙ୍କ ସହ ଯୌନ ନିର୍ଯାତନା ଦେଇଛନ୍ତି। ବେଙ୍ଗାଲୁରୁ ପୁଲିସ ସମ୍ମୁଖରେ ସେ ନିଜେ ଏହା ସ୍ୱୀକାର କରିଥିଲେ।

ସୂଚନା ଅନୁସାରେ, ଦୋମାନା ଅଞ୍ଚଳର ଉକ୍ତ ଛାତ୍ରୀଜଣକ ଏକ କ୍ରୀଡ଼ା କାର୍ଯ୍ୟକ୍ରମରେ ଭାଗ ନେବା ପାଇଁ ଯାଇଥିଲେ। କାର୍ଯ୍ୟକ୍ରମ ସରିବାରେ ପରେ ଛାତ୍ରୀ ଘରକୁ ଯିବା ସମୟରେ ଆବିଦ ନିଜ ସାଙ୍ଗମାନଙ୍କ ସହ ମିଶି ତାଙ୍କୁ ଅଟକାଇଥିଲେ। ଏହାପରେ କହିଥିଲେ ଯେ, ଛାତ୍ରୀଙ୍କ ବାପା ତାଙ୍କ ବନ୍ଧୁ ଓ ସେ ତାଙ୍କୁ ନେବାକୁ ପଠାଇଛନ୍ତି। ଛାତ୍ରୀଜଣକ ଅଭିଯୁକ୍ତ ସହ କାରରେ ବସିଥିଲେ। ଏହାପରେ ସେ ପୀଡ଼ିତାଙ୍କୁ ତାଲାବ ତିଲ୍ଲୋ ସ୍ଥିତ ତାଙ୍କ କ୍ୱାର୍ଟରକୁ ନେଇ ଦୁଷ୍କର୍ମ କରିଥିଲେ।

ମନ୍ତ୍ରୀଙ୍କ ପୁଅ ହୋଇଥିବାରୁ ଦୀର୍ଘ ୬ ମାସ ଏହି ମାମଲା ଦବି ରହିଥିଲା। ଏବେ ଏହି ମାମଲା ସାମ୍ନାକୁ ଆସିଲା ଓ ପୁଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିଛି। ସୋମବାର ଏନେଇ ଅଦାଲତରେ ଅଭିଯୋଗ ଫର୍ଦ୍ଦ ଦାଖଲ କରିଛି। ଗତ ମାସ ପୁଲିସ କାଶ୍ମୀରର ସୋପୋର ସ୍ଥିତ ଘରେ ଚଢାଉ କରି ଅଭିଯୁକ୍ତକୁ ଗିରଫ କରିଥିଲା। ଆବିଦ ଗନୀ ନିଜ ପିତା ଅବଦୁଲ ଗନୀ ବକିଲଙ୍କ ସହ ତାଙ୍କ ଘରେ ରହୁଥିଲେ।

Comments
Loading...