ଝାରସୁଗୁଡ଼ା : ଆଜି ପ୍ରକାଶିତ ସିବିଏସସିର ଦ୍ୱାଦଶ ପରୀକ୍ଷା ଫଳରେ ଝାରସୁଗୁଡ଼ା ଡିଏଭି ପବ୍ଲିକ ସ୍କୁଲର ଛାତ୍ରୀ ମିଲି ଜୈନ ୯୮.୬ ପ୍ରତିଶତ ନମ୍ବର ରଖି ଜିଲାରେ ଟପ୍ପର ହୋଇଛନ୍ତି । ସେହିପରି ସୋନାଲି ସିଂ ୯୬.୬ ପ୍ରତିଶତ ନମ୍ବର ବିଜ୍ଞାନରେ ଜିଲ୍ଲା ଟପ୍ପର ହୋଇଛନ୍ତି ।
ଜିଲ୍ଲାରେ ଥିବା ସମସ୍ତ ସିବିଏସସି ମାଧ୍ୟମ ବିଦ୍ୟାଳୟ ଗୁଡିକ ମଧ୍ୟରେ ଝାରସୁଗୁଡ଼ା ଡିଏଭି ସ୍କୁଲର ଛାତ୍ରଛାତ୍ରୀ ମାନେ ସର୍ବାଧିକ ନମ୍ବର ରଖି ସମସ୍ତଙ୍କୁ ପଛରେ ପକାଇ ଦେଇଛନ୍ତି । ସ୍କୁଲର ଛାତ୍ରୀ ମିଲି ଜୈନ ବାଣିଜ୍ୟରେ ୯୮.୬ପ୍ରତିଶତ ନମ୍ବର ହାସଲ କରି ଜିଲ୍ଲାରେ ଟପ୍ପର ହୋଇଛନ୍ତି । ଶିବାନ୍ସି ପ୍ରଧାନ ୯୬.୬ ପ୍ରତିଶତ ନମ୍ବର ରଖି ଦ୍ଵିତୀୟ ଓ ରୋହିତ କୁମାର ସାହ ୯୬.୪ପ୍ରତିଶତ ନମ୍ବର ରଖି ତୃତୀୟ ସ୍ଥାନରେ ରହିଛନ୍ତି। ବିଜ୍ଞାନରେ ସୋନାଲି ସିଂ ୯୬.୬ ପ୍ରତିଶତ ଅଙ୍କ ରଖି ଜିଲ୍ଲାରେ ବିଜ୍ଞାନ ରେ ଟପ୍ପର ହୋଇଛନ୍ତି । ଅଙ୍କିତା ଦାସ ୯୬.୪ପ୍ରତିଶତ ରଖି ଦ୍ଵିତୀୟ ଓମାନସୀ ପଟେଲ ୯୬.୨ ପ୍ରତିଶତ ନମ୍ବର ରଖି ତୃତୀୟ ସ୍ଥାନରେ ରହିଛନ୍ତି ।
ଅନ୍ୟ ବିଦ୍ୟାଳୟ ଗୁଡିକ ମଧ୍ୟରେ ଜବାହରଲାଲ ନେହେରୁ ବିଦ୍ୟାଳୟ ରେ ଛାତ୍ର ଛାତ୍ରୀ ଙ୍କ ପାସ ହାର ଶତପ୍ରତିଶତ ରହିଛି । ଏହି ବିଦ୍ୟାଳୟର ଛାତ୍ର ଉଦିତ ପ୍ରଧାନ ସର୍ବାଧିକ ୯୪.୨ ପ୍ରତିଶତ ନମ୍ବର ରଖିଛନ୍ତି । ଘନଶ୍ୟାମ ହେମଲତା ବିଦ୍ୟାମନ୍ଦିର ରେ ଉଭୟ ବିଜ୍ଞାନ ଓ ବାଣିଜ୍ୟରେ ପାସ ହାର ଶତପ୍ରତିଶତ ରହିଛି । ଜିୟା ରାୟ ସର୍ବାଧିକ ୯୫.୬ପ୍ରତିଶତ ଅଙ୍କ ହାସଲ କରିଛନ୍ତି । କେନ୍ଦ୍ରୀୟ ବିଦ୍ୟାଳୟ ସମସ୍ତ ପରୀକ୍ଷାର୍ଥୀ ପାସ ହୋଇଛନ୍ତି । ବିଦ୍ୟାଳୟର ପ୍ରଜ୍ଞା ପାଣ୍ଡେ ସର୍ବାଧିକ ୯୫.୩୩ ପ୍ରତିଶତ ନମ୍ବର ରଖିଛନ୍ତି । ସେହିପରି ବନ୍ଧବହାଲ ଡିଏଭି ସ୍କୁଲ ର ପାସ ହାର ଶତପ୍ରତିଶତ ରହିଛି । ବିଜ୍ଞାନ ରେ ସୂଚୀ ଶର୍ମା ସର୍ବାଧିକ ୯୬.୪ ପ୍ରତିଶତ ଅଙ୍କ ହାସଲ କରିଛନ୍ତି । ବାଣିଜ୍ୟରେ ଅଖଣ୍ଡ ପ୍ରତାପ ସିଂ ୯୩. ୬ ପ୍ରତିଶତ ଅଙ୍କ ହାସଲ କରିଛନ୍ତି ।
Comments are closed.