ବରିଷ୍ଠ ଆଇଏଏସ୍ ଅଧିକାରୀ ଓ ବିଧାନ ପରିଷଦ ସଦସ୍ୟଙ୍କ ଘରେ ଆୟକର ଚଢଉ
ଲକ୍ଷ୍ମୌ .. – ସିବିଆଇ ପକ୍ଷରୁ ଉତ୍ତର ପ୍ରଦେଶର ଜଣେ ବରିଷ୍ଠ ଆଇଏଏସ୍ ଅଧିକାରୀଙ୍କ ସହ ୧୨ଟି ସ୍ଥାନରେ ଚଢଉ କରାଯାଇଛି । ବେଆଇନ ଖଣି କାରବାର ଅଭିଯୋଗରେ ସିବିଆଇ ପକ୍ଷରୁ ଏହି ଚଢଉ କରାଯାଇଥିବା ସୂଚନା ମିଳିଛି । ଏଥିରେ ଅନେକ କୋଟି ଟଙ୍କାର ଦୁର୍ନୀତି ହୋଇଥିବା ଅଭିଯୋଗ କରାଯାଇଛି । ସମାଜବାଦୀପାର୍ଟି ପକ୍ଷରୁ ବିଧାନପରିଷଦର ସଦସ୍ୟ ରମେଶ ମିଶ୍ରାଙ୍କ ଘରେ ମଧ୍ୟ ସିବିଆଇ ପକ୍ଷରୁ ଚଢଉ କରାଯାଇଛି ।
ଲକ୍ଷ୍ମୌ, ଦିଲ୍ଲୀ, ବୁନ୍ଦେଲଖଣ୍ଡରେ ସିବିଆଇ ପକ୍ଷରୁ ଏହି ଚଢଉ କରାଯାଇଛି । ୨୦୦୮ ବ୍ୟାଚର ଆଇଏଏସ୍ ଅଧିକାରୀ ବି ଚନ୍ଦ୍ରକଳାଙ୍କର ଲକ୍ଷ୍ମୌରେ ଥିବା ଫ୍ଲାଟରେ ସିବିଆଇ ପକ୍ଷରୁ ଚଢଉ କରାଯାଇଥିଲା । ସିବିଆଇର ୧୫ ଜଣିଆ ସଦସ୍ୟ ରମେଶ ମିଶ୍ରାଙ୍କୁ ଜେରା କରିଥିଲେ । ଆହ୍ଲାବାଦ ହାଇକୋର୍ଟ ଏହାର ତଦନ୍ତ ନିର୍ଦେଶ ଦେବାପରେ ସିବିଆଇ ବେଆଇନ ଖଣି କାରବାର ମାମଲାର ତଦନ୍ତ କରୁଛି ।