ନୂଆଦିଲ୍ଲୀ : ମଣିଷମାନଙ୍କ ମଧ୍ୟରେ ଦିନ କୁ ଦିନ ଆତ୍ମୀୟତା ଲୋପ ପାଉଥିବା ବେଳେ ପଶୁମାନଙ୍କ ମଧ୍ୟରେ ପ୍ରେମର ପରିଭାଷା ଦେଖିବାକୁ ମିଳୁଛି। ଗୋଟିଏ ପଟେ ମଣିଷ ଛୁଆଟିକୁ ଜନ୍ମ ଦେଇ ମାଆ ଫିଙ୍ଗି ଦେଉଥିବା ଘଟଣା ଆମ ସମାଜରେ ବାରମ୍ବାର ଘଟୁଥିବା ବେଳେ କଥା କହି ପାରୁନଥିବା ପଶୁ ନିଜ ଛୁଆର ଜୀବନ ବଞ୍ଚାଇବାକୁ ସିଧା ଯାଇ ପହଞ୍ଚିଛି ହସ୍ପିଟାଲରେ। ଏଭଳି ଏକ ଦୃଶ୍ୟ ଏବେ ସୋସିଆଲ ମିଡିଆରେ ଦେଖିବାକୁ ମିଳିଛି।
ଘଟଣାଟି ହେଉଛି ତୁର୍କୀର ଇସ୍ତାନବୁ ସହରର। ଏକ ହସ୍ପିଟାଲରେ ଡାକ୍ତର ଓ ଅନ୍ୟାନ୍ୟ ଷ୍ଟାଫ୍ ମାନେ ବସିଥିବା ବେଳେ ହଠାତ୍ ଏକ ବିଲେଇ ପାଟିରେ ନିଜର ଅସୁସ୍ଥ ଛୁଆଟିକୁ ଧରି ପହଞ୍ଚି ଯାଇଥିଲା। ତାକୁ ଦେଖି ଡାକ୍ତର ଓ ସେଠାରେ ଉପସ୍ଥିତ ଥିବା ଅନ୍ୟାନ୍ୟ ଷ୍ଟାଫ୍ ମାନେ ମଧ୍ୟ ଆଶ୍ଚର୍ଯ୍ୟ ହୋଇ ଯାଇଥିଲେ। ଡାକ୍ତରମାନେ ତୁରନ୍ତ ଅସୁସ୍ଥ ଛୁଆ ବିଲେଇକୁ ନେଇ ଚିକିତ୍ସା ଆରମ୍ଭ କରିଥିଲେ। ହସ୍ପିଟାଲର ଷ୍ଟାଫ୍ ମାନେ ମାଆ ବିଲେଇକୁ ଖାଇବାକୁ କିଛି ଖାଦ୍ୟ ଏବଂ ପିଇବାକୁ କ୍ଷୀର ଦେଇଥିଲେ।
ଏହି ଫଟୋକୁ ହସ୍ପିଟାଲର ଜଣେ ଷ୍ଟାଫ୍ ଓଜକାନ ନିଜର ଟ୍ୱିଟର ଆକାଉଣ୍ଟରେ ସେୟାର କରି ଲେଖିଛନ୍ତି ଯେ, ‘ଆଜି ଆମେ ଜରୁରୀକାଳୀନ କୋଠରୀରେ ଥିଲୁ। ସେତେବେଳେ ଏକ ବିଲେଇ ତାର ଅସୁସ୍ଥ ଶିଶୁକୁ ପାଟିରେ ଧରି ଆସି ପହଞ୍ଚିଥିଲା। ବିଲେଇ ନିଜ ଶିଶୁ ସହିତ ଡାକ୍ତରଖାନାରେ ପହଞ୍ଚିବା ମାତ୍ରେ ସେଠାରେ ଥିବା କର୍ମଚାରୀମାନେ ବିଲେଇକୁ ଖାଦ୍ୟ ଏବଂ କ୍ଷୀର ପିଇବାକୁ ଦେଇଥିଲେ। ପରେ ଅସୁସ୍ଥ ଛୁଆ ବିଲେଇର ଚିକିତ୍ସା ପାଇଁ କର୍ମଚାରୀମାନେ ଭିତରକୁ ନେଇଯାଇଥିଲେ।
Bugün hastanenin acilindeydik, bir kedi ağzında taşıdığı yavrusunu koşa koşa acile getirdi pic.twitter.com/lS7acpuWmg
— Merve Özcan (@ozcanmerveee) April 27, 2020
Comments are closed.