ଗଛରେ ପିଟି ହେଲା କାର; ୬ ଆହତ, ୨ଗୁରୁତର

ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଥାନା ଅର୍ନ୍ତଗତ ଖୋର୍ଦ୍ଦା-ବଲାଙ୍ଗୀର ୫୭ନଂ ଜାତୀୟ ରାଜପଥର କରଡାକୋଠା ନିକଟରେ ଗୁରୁବାର ବିଳମ୍ବିତ ରାତ୍ରିରେ ଏକ କାର ଗଛରେ ପିଟି ହୋଇ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୬ଜଣ ଆହତ ହୋଇଥିବାବେଳେ ୨ଜଣ ଗୁରୁତରଥିବା ଜଣାପଡିଛି।

ମିଳିଥିବା ସୂଚନା ଅନୁସାରେ, ଗତକାଲି ରାତିରେ ବରଗଡ ଜିଲ୍ଲା ବରପାଲ୍ଲୀ ଅଂଚଳରୁ ଏକ ମହିନ୍ଦ୍ରା(ଟିୟୁଭି) କାର୍ ନଂ ଓଡି୧୭ପି-୦୬୬୬ ଗାଡି ଯୋଗେ ଡ୍ରାଇଭର ସମେତ ୮ଜଣ ଭୂବନେଶ୍ୱର ଯାତ୍ରା କରୁଥିଲେ। ଏହି ସମୟରେ କରଡାକୋଠା ନିକଟରେ ଗାଡିଟି ଭାରସାମ୍ୟ ହରାଇ ରାସ୍ତା କଡରେ ଥିବା ଏକ ଗଛରେ ବାଡେଇ ହୋଇ ଓଲଟିପଡି ଦୁର୍ଘଟଣାଗ୍ରସ୍ତ ହୋଇଥିଲା। ଫଳରେ ଗାଡିରେଥିବା ଅନୁପ ପୁଜାରୀ(୩୨) ,ଅଭିଷେକ ସାଥୁଆ(୨୯) ଗୁରୁତର ଆହାତ ହୋଇଥିବାବେଳେ ଦଶରଥ ବେହେରା(୪୯), ସରୋଜ ଭୋଇ(୪୭), ରବି ସେଠ୍‍(୩୦), ବୁଲୁ ପ୍ରଧାନ(୩୨), ଆନନ୍ଦ ପ୍ରଧାନ(୫୫), ସୁନିଲ ପ୍ରଧାନ(୩୫) ଭଳି ଅନ୍ୟ ୬ଜଣ ସାମାନ୍ୟ ଆହତ ହୋଇଥିବା ଜଣାପଡିଛି। ସମସ୍ତଙ୍କୁ ରାତିରେ ଘଟଣାସ୍ଥଳରୁ ଉଦ୍ଧାର କରି ପ୍ରଥମେ ଚିକିତ୍ସା ପାଇଁ ପୁରୁଣାକଟକ ପରେ ବୌଦ୍ଧ ମେଡିକାଲ ସ୍ଥାନାନ୍ତରିତ କରାଯାଇଥିଲା। ଖବର ପାଇ ପୁରୁଣାକଟକ ପୁଲିସ ଘଟଣାସ୍ଥଳରେ ପଂହଚି ଘଟଣାର ତଦନ୍ତ ଚଳାଇଥିବା ଜଣାପଡିଛି।

Comments
Loading...