ଡେସ୍କ: ଭୁବନେଶ୍ୱର କ୍ୟାପିଟାଲ ହସ୍ପିଟାଲକୁ ବଡ ସଫଳତା ମିଳିଛି। ସେଠାରେ ରୋଗୀଙ୍କୁ ଦିଆଯାଉଥିବା ଖାଦ୍ୟର ସ୍ୱଚ୍ଛତା ଓ ଗୁଣବତ୍ତାକୁ ମାନ୍ୟତା ମିଳିଛି। ଭାରତୀୟ ଖାଦ୍ୟ ସୁରକ୍ଷା ଓ ଗୁଣବତ୍ତା ନିରୀକ୍ଷଣ କର୍ତୃପକ୍ଷ – ଏଫଏସଏସଏଆଇ ଏହି ମାନ୍ୟତା ଦେଇଛି। କ୍ୟାପିଟାଲ ହସ୍ପିଟାଲକୁ ଏଥିପାଇଁ ମିଳିଛି ୪ ଷ୍ଟାର ମାନ୍ୟତା। ଖାଦ୍ୟର ଗୁଣବତ୍ତା ପରୀକ୍ଷଣ ଓ ମାନ୍ୟତା ଦେବା ଲାଗି ଏହି ପ୍ରକ୍ରିୟା ଜାରି ରହିଛି। ସ୍ୱଚ୍ଛତା ରକ୍ଷା ସହ ରୋଗୀଙ୍କୁ ସୁରକ୍ଷିତ ଓ ପୌଷ୍ଟିକ ଆହାର ଯୋଗାଇବାରେ କ୍ୟାପିଟାଲ ହସ୍ପିଟାଲକୁ ଏହି ମାନ୍ୟତା ମିଳିଛି।
ସୂଚନା ଅନୁଯାୟୀ, କ୍ୟାପିଟାଲ ହସ୍ପିଟାଲରେ ପ୍ରତି ରୋଗୀଙ୍କ ପାଇଁ ନିର୍ଦ୍ଧାରିତ ୮୫ ଟଙ୍କାରେ ଦୈନିକ ଖାଦ୍ୟ ଯୋଗାଇ ଦିଆଯାଉଛି। କ୍ୟାପିଟାଲ ହସ୍ପିଟାଲର ନିର୍ଦ୍ଦେଶକ ଡାକ୍ତର ଲକ୍ଷ୍ମୀଧର ସାହୁ କହିଛନ୍ତି ଯେ ଏଫଏସଏସଏଆଇ ଖାଦ୍ୟର ଗୁଣବତ୍ତା ଯାଞ୍ଚ କରିବା ପରେ କେତେକ ନିର୍ଦ୍ଦିଷ୍ଟ ମାନକ ପୂରଣ ହୋଇଥିବାରୁ ‘ଇଟ ରାଇଟ’ ମାନ୍ୟତା ମିଳିଛି। ସେ କହିଛନ୍ତି ଯେ ରୋଗୀମାନଙ୍କର ଖାଦ୍ୟ ଆବଶ୍ୟକତାକୁ ଦୃଷ୍ଟିରେ ରଖି ପୁଷ୍ଟିକର ଖାଦ୍ୟ ଯୋଗାଇ ଦିଆଯାଉଛି।
Congratulations @HFWOdisha as Capital Hospital, #Bhubaneswar has been certified as Eat Right Campus as per guidelines established by @fssaiindia. The hospital has earned the recognition by ensuring hygiene of food and food quality in the campus. #OdishaLeads pic.twitter.com/LXrYmQMfBg
— CMO Odisha (@CMO_Odisha) May 10, 2022
ଏ ନେଇ କ୍ୟାପିଟାଲ ହସ୍ପିଟାଲର ମ୍ୟାନେଜର ରଶ୍ମିରଂଜନ ପୁହାଣ କହିଛନ୍ତି ଯେ ରୋଷେଇ ଏବଂ ଖାଦ୍ୟ ବଣ୍ଟନରେ ସମ୍ପୃକ୍ତ ସମସ୍ତ କର୍ମଚାରୀ ସ୍ୱଚ୍ଛତା ପ୍ରତି ଧ୍ୟାନ ଦେଉଛନ୍ତି ଓ ମାସ୍କ ଏବଂ ଗ୍ଳୋବ୍ସ ବ୍ୟବହାର କରୁଛନ୍ତି। ରୋଗୀମାନଙ୍କୁ ଦିନକୁ ୩ ଥର ଖାଦ୍ୟ ଦିଆଯାଉଛି ଏବଂ ଏଥିରେ ଫଳ, କ୍ଷୀର ଓ ଅନ୍ୟାନ୍ୟ ରନ୍ଧା ଖାଦ୍ୟ ଯୋଗାଇ ଦିଆଯାଉଥିବା ସେ କହିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ସଫଳତା ନେଇ ଟ୍ୱିଟ ଜରିଆରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଓ କ୍ୟାପିଟାଲ ହସ୍ପିଟାଲକୁ ଶୁଭେଚ୍ଛା ଜଣାଇଛନ୍ତି।
ସୂଚନାଯୋଗ୍ୟ, ରାଜ୍ୟର ପ୍ରଥମ ଜେଲ ଭାବେ ଭୁବନେଶ୍ୱର ଝାରପଡା ଜେଲକୁ ‘ଇଟ ରାଇଟ’ ମାନ୍ୟତା ମିଳିସାରିଛି।
Comments are closed.