କୋଭିଡ୍ ସମ୍ବନ୍ଧୀୟ ନିୟମାବଳୀ କଡ଼ାକଡ଼ି ଭାବେ ପାଳନ ପାଇଁ କ୍ୟାବିନେଟ୍ ସଚିବଙ୍କ ପରାମର୍ଶ
ନୂଆଦିଲ୍ଲୀ : ଦେଶର କିଛି ଭାଗରେ କୋଭିଡ୍ ସଂକ୍ରମଣ ବୃଦ୍ଧି ପାଇବା ପରେ କ୍ୟାବିନେଟ୍ ସଚିବ ରାଜୀବ ଗୌବା, କୋଭିଡ୍ ସମ୍ବନ୍ଧୀୟ ନିୟମାବଳୀ ଗୁଡ଼ିକର କଡ଼ାକଡ଼ି ପାଳନ ପାଇଁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ପରାମର୍ଶ ଦେଇଛନ୍ତି। ଯେଉଁମାନେ ନିୟମ ଭଙ୍ଗ କରିବେ ସେମାନଙ୍କ ବିରୁଦ୍ଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଛନ୍ତି।
ସଂକ୍ରମଣ ଯେପରି ନ ବ୍ୟାପିବ ସେଥିପ୍ରତି ରାଜ୍ୟ ସରକାରମାନେ ଅଧିକ ଧ୍ୟାନ ଦେବାକୁ ସେ କହିଛନ୍ତି। ଏହା ନ ହେଲେ କୋଭିଡ୍କୁ ନିୟନ୍ତ୍ରଣ କରିବା ପାଇଁ ଗତବର୍ଷର ସମସ୍ତ ପରିଶ୍ରମ ବିଫଳ ହୋଇଯିବ ବୋଲି କ୍ୟାବିନେଟ୍ ସଚିବ କହିଛନ୍ତି। ଆଜିର ଏକ ସମୀକ୍ଷା ବୈଠକରେ ସେହି ରାଜ୍ୟଗୁଡ଼ିକୁ ପର୍ଯ୍ୟବେକ୍ଷଣ ବୃଦ୍ଧି କରିବା ଓ ସଂକ୍ରମଣ ବ୍ୟାପିବାକୁ ନ ଦେବା ଲାଗି ସତର୍କତା ଜାରି କରାଯାଇଥିଲା। ଫଳପ୍ରଦ ନମୁନା ପରୀକ୍ଷା, ସଂକ୍ରମଣ ଚିହ୍ନଟ ଏବଂ ସଂକ୍ରମିତମାନଙ୍କୁ ତୁରନ୍ତ ପୃଥକ କରି ରଖିବା ପ୍ରତି ଏଥିରେ ଗୁରୁତ୍ୱାରୋପ କରାଯାଇଛି। ଯେଉଁମାନେ କୋଭିଡ୍ ନିୟମାବଳୀ ଭଙ୍ଗ କରିବେ ସେମାନଙ୍କୁ ଅଧିକ ଜୋରିମାନା ଦେବା ଓ ଚାଲାଣ କଟାଯିବା ବିଷୟରେ କ୍ୟାବିନେଟ୍ ସଚିବ ଜଣାଇଛନ୍ତି।
Comments are closed.