ଜାମ୍ମୁ କାଶ୍ମୀର ଓ ଲଦାଖ ପାଇଁ ୫ ବର୍ଷିଆ ସ୍ୱତନ୍ତ୍ର ପ୍ୟାକେଜକୁ କ୍ୟାବିନେଟର ଅନୁମୋଦନ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ୫୨୦ କୋଟି ଟଙ୍କାର ଏକ ସ୍ୱତନ୍ତ୍ର ପ୍ୟାକେଜ୍ ଅନୁମୋଦନ କରିଛି। ଦୀନଦୟାଲ ଅନ୍ତୋଦୟ ଯୋଜନା ଅନ୍ତର୍ଗତ ଜାତୀୟ ଗ୍ରାମୀଣ ଜୀବିକା ମିଶନରେ ୨୦୨୩-୨୪ ଆର୍ଥିକ ବର୍ଷ ପର୍ଯ୍ୟନ୍ତ ଜାମ୍ମୁ କାଶ୍ମୀର ଓ ଲଦାଖ ପାଇଁ ଏହି ଅର୍ଥ ଯୋଗାଇ ଦିଆଯିବ। ଏହି ଅବଧି ସମୟ ମଧ୍ୟରେ ଦରିଦ୍ର ଅନୁପାତ ସହିତ ଆବଣ୍ଟନକୁ ସଂଯୋଗ ନକରି ଏହି ଅର୍ଥ ଖର୍ଚ୍ଚ କରାଯିବ।

जम्मू-कश्मीर एवं लद्दाख संघ राज्य क्षेत्रों में दीनदयाल अंत्योदय योजना-राष्ट्रीय ग्रामीण आजीविका मिशन के लिए 520 करोड़ रु के विशेष पैकेज को मंजूरी दी, जिसका पूरे राज्य में स्वागत होगा यह मुझे पूरा विश्वास है#CabinetDecisions pic.twitter.com/pxNkxY01Ro

— Prakash Javadekar (@PrakashJavdekar) October 14, 2020

ଏହି ଅନୁମୋଦନ ଫଳରେ ଜାମ୍ମୁ କାଶ୍ମୀର ଓ ଲଦାଖର ଆବଶ୍ୟକତା ଅନୁଯାୟୀ ଜାତୀୟ ଗ୍ରାମୀଣ ମିଶନ୍ ଅଧୀନରେ ପର୍ଯ୍ୟାପ୍ତ ଅର୍ଥ ନିଶ୍ଚିତ କରିବ ଏବଂ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ସେହି କେନ୍ଦ୍ର ଶାସିତ ଅଂଚଳରେ ସମସ୍ତ କେନ୍ଦ୍ରୀୟ ପ୍ରାୟୋଜିତ ହିତାଧିକାରୀ-ଆଧାରିତ ଯୋଜନାକୁ କାର୍ଯ୍ୟକାରି କରାଯାଇ ପାରିବ। ଜାମ୍ମୁ କାଶ୍ମୀର ଓ ଲଦାଖରେ ଜାତୀୟ ଗ୍ରାମୀଣ ମିଶନର ସମ୍ଭାବନାକୁ ଦୃଷ୍ଟିରେ ରଖି ଗ୍ରାମୀଣ ପରିବାରର ଜୀବନଶୈଳୀ ତଥା ମହିଳା ସଶକ୍ତିକରଣର ଉନ୍ନତି ପାଇଁ ଏହି ଅର୍ଥ ଅନୁମୋଦନ କରାଯାଇଛି।