ଭିସୁଟ୍ ଛାତ୍ରଙ୍କୁ କରୋନା ଘଟଣା: ଆଗ ପଜିଟିଭ୍ ପରେ ନେଗେଟିଭ୍

କିଟ୍ ଖରାପ ଥିବାରୁ ରିପୋର୍ଟ ଭୁଲ୍ ଆସିଥିଲା : ପ୍ରଦୀପ୍ତ ମହାପାତ୍ର

ସମ୍ବଲପୁର: ସମ୍ବଲପୁର ଜିଲାର ବୁର୍ଲା ସ୍ଥିତ ବୀର ସୁରେନ୍ଦ୍ର ସାଏ ୟୁନିଭର୍ସିଟି ଅଫ୍‍ ଟେକ୍ନୋଲୋଜି(ଭିସୁଟ୍‍)ରେ ୨୫ ଜଣ ଛାତ୍ରଙ୍କ କରୋନା ରିପୋର୍ଟ ପଜିଟିଭ୍‍ ନୁହେଁ। ଆର୍‍ଟି-ପିସିଆର ଟେଷ୍ଟରେ ସମସ୍ତଙ୍କ ରିପୋର୍ଟ ନେଗେଟିଭ୍‍। ପରୀକ୍ଷା କରାଯାଇଥିବା କିଟ୍‍ ଖରାପ ଥିବାରୁ ରିପୋର୍ଟ ପଜିଟିଭ୍‍ ଆସିଥିଲା ବୋଲି ଆଜି ସୂଚନା ଦେଇଛନ୍ତି ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର।

ସୂଚନାଯୋଗ୍ୟ, ଫେବୃୟାରୀ ୨୭ ତାରିଖରେ ବୁର୍ଲା ଭିସୁଟର ୨୫ ଜଣ ଛାତ୍ର ଆଣ୍ଟିଜେନ୍ ଟେଷ୍ଟରେ କରୋନା ପଜିଟିଭ ଚିହ୍ନଟ ହୋଇଥିବା ନେଇ ସୂଚନା ମିଳିଥିଲା। ସେମାନଙ୍କ ମଧ୍ୟରୁ ୨୬ ତାରିଖରେ ୨୪ ଜଣଙ୍କୁ ଚିହ୍ନଟ କରାଯାଇଥିବା ବେଳେ ପରଦିନ ଅନ୍ୟ ଜଣେ ଚିହ୍ନଟ ହୋଇଥିଲେ। କରୋନା ଆକ୍ରାନ୍ତ ଚିହ୍ନଟ ହେବା ପରେ ଜିଲାପ୍ରଶାସନର ତତ୍ପରତା ଦେଖାଇଥିଲା। ହଷ୍ଟେଲ ଯାଇ ଜିଲ୍ଲାପାଳ ଓ ପିଡି ଡିଆରଡିଏ ସ୍ଥିତି ପରଖିଥିଲେ। ଚିହ୍ନଟ ଛାତ୍ରଙ୍କ କଣ୍ଟାକ୍ଟ ଟ୍ରେସିଂ ମଧ୍ୟ କରାଯାଇଥିଲା। କିନ୍ତୁ ଆଜି ଆର୍‍ଟି-ପିସିଆର ଟେଷ୍ଟରେ ସେମାନଙ୍କ ରିପୋର୍ଟ ନେଗେଟିଭ୍ ଆସିଛି।

 

Comments
Loading...