‘ମହାତ୍ମାଗାନ୍ଧୀ ଆପଣଙ୍କ ପାଇଁ ଟ୍ରେଲର ହୋଇ ପାରନ୍ତି, କିନ୍ତୁ ଆମ ପାଇଁ ଗାନ୍ଧିଜୀ ହେଉଛନ୍ତି ଜୀବନ’- ମୋଦୀ
ନୂଆଦିଲ୍ଲୀ: ସସଂଦରେ ଗୁରୁବାର ବଜେଟ୍ ଅଧିବେଶନ ସମୟରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଅଭିଭାଷଣ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଧନ୍ୟବାଦ ପ୍ରସ୍ତାବରେ ବିରୋଧୀ ଦଳର ନେତାଙ୍କୁ ଟାର୍ଗେଟ କରି ବର୍ଷିଛନ୍ତି। ଲୋକସଭାରେ ବିରୋଧୀଙ୍କ ‘ମହାତ୍ମା ଗାନ୍ଧୀ ଅମର ରହେ’ ସ୍ଲୋଗାନ ଉପରେ ମୋଦୀ କହିଛନ୍ତି ଯେ, ‘ଆପଣଙ୍କ ପାଇଁ ମହାତ୍ମାଗାନ୍ଧୀ ଟ୍ରେଲର ହୋଇ ପାରନ୍ତି କିନ୍ତୁ ଆମ ପାଇଁ ଗାନ୍ଧିଜୀ ହେଉଛନ୍ତି ଜୀବନ’।
ମୋଦୀ କହିଛନ୍ତି ଯେ, ମାନନୀୟ ରାଷ୍ଟ୍ରପତି ନିଜ ଅଭିଭାଷଣରେ ନୂଆ ଭାରତ ଗଠନ ପାଇଁ ଭିଜନ ପ୍ରସ୍ତୁତ କରିଛନ୍ତି। ଏକବିଂଶ ଶତାବ୍ଦୀରେ ତୃତୀୟ ଦଶକରେ ମାନନୀୟ ରାଷ୍ଟ୍ରପତିଙ୍କ ବକ୍ତବ୍ୟ ଆମ ସମସ୍ତ ମଧ୍ୟରେ ନୂଆ ଦିଶା ଓ ଦେଶବାସୀଙ୍କ ପାଇଁ ବିଶ୍ବାସ ସୃଷ୍ଟି କରିବ। କଶ୍ମୀର ପ୍ରସଙ୍ଗରେ କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ, ଯଦି ଆମେ ଆପଣଙ୍କ ମାର୍ଗ ଅପଣାଇଥାନ୍ତୁ ତେବେ ୭୦ ବର୍ଷ ପରେ ମଧ୍ୟ କଶ୍ମୀରରେ ଅନୁଚ୍ଛେଦ ୩୭୦ ହଟି ପାରିନଥାନ୍ତା। ତିନି ତଲାକ୍ ଆଜି ମୁସଲିମ୍ ମହିଳାଙ୍କୁ ଡରାଇଥାନ୍ତା। ଆପଣଙ୍କ ଚିନ୍ତାଧାରା ଶୈଳୀରେ ଚାଲିଥିଲେ ଆଜି ରାମ ଜନ୍ମଭୂମି ବିବାଦରେ ରହିଥାନ୍ତା। ଏହା ସହ କରତାରପୁର କରିଡର କଦାପି ହୋଇ ପାରିନଥାନ୍ତା। ଭାରତ-ବାଂଲାଦେଶ ବିବାଦର ସମାଧାନ ହୋଇନଥାନ୍ତା।
Congress leader Adhir Ranjan Chowdhury in Lok Sabha to PM, “Yeh to abhi trailer hai” on opposition raising ‘Mahatma Gandhi amar rahe’ slogans.
Prime Minister Narendra Modi replies, “Aapke liye Mahatma Gandhi trailer ho sakte hain, humare liye Gandhi ji zindagi hain”. pic.twitter.com/XAzTNveiFz
— ANI (@ANI) February 6, 2020
ପ୍ରଧାନମନ୍ତ୍ରୀ ମୋଦୀ ଧନ୍ୟବାଦ ପସ୍ତାବ ଉପରେ କହିବା ପାଇଁ ଠିଆ ହେବା ସମୟରେ ଲୋକସଭାରେ ‘ଜୟ ଶ୍ରୀ ରାମ’ ନାରା ଦିଆଯାଇଥିଲା। ଅନ୍ୟ ପକ୍ଷରେ ବିରୋଧୀ ସାଂସଦ ‘ଗାନ୍ଧୀ ଅମର ରହେ’ ସ୍ଲୋଗାନ ଦେଇଥିଲେ। ଏହାର ପ୍ରତିକ୍ରିୟାରେ ମୋଦୀ ‘କେବଳ ଏତିକି!’ ବୋଲି କହିଥିଲେ। କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀ କହିଥିଲେ ଏହା ତ କେବଳ ଟ୍ରେଲର। ଏହା ଉପରେ ପ୍ରଧାନମନ୍ତ୍ରୀ ମୋଦୀ କହିଥିଲେ, ‘ଆପଣଙ୍କ ପାଇଁ ମହାତ୍ମାଗାନ୍ଧୀ ଟ୍ରେଲର ହୋଇ ପାରନ୍ତି କିନ୍ତୁ ଆମ ପାଇଁ ଗାନ୍ଧିଜୀ ହେଉଛନ୍ତି ଜୀବନ’। ଏହା ପରେ ଲୋକସଭାରେ ସାଂସଦ ବେଞ୍ଚ ପିଟି ସମସ୍ତେ ଏହାକୁ ସମର୍ଥନ କରିଥିଲେ ।
Comments are closed.