ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁଙ୍କ ଦ୍ୱାରା ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ସ୍ମାର୍ଟ କାର୍ଡ ବଣ୍ଟନ

ଗୁରୁଡିଝାଟିଆ : ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଏବଂ ସମବାୟ ମନ୍ତ୍ରୀ ତଥା ଆଠଗଡ ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁଙ୍କ ଦ୍ୱାରା ଜୋନ ୩ ଜିଲ୍ଲା ପରିଷଦ ଅନ୍ତର୍ଗତ ୧୨ଟି ପଞ୍ଚାୟତରେ ବିଜୁ ସ୍ୱାସ୍ଥ୍ୟକଲ୍ୟାଣ ଯୋଜନା ସ୍ମାର୍ଟକାର୍ଡ ପ୍ରଦାନ କରାଯାଇଛି । କିଭଳି ଭାବରେ କେଉଁ କେଉଁ ସ୍ଥାନରେ ଏହି କାର୍ଡ ଦ୍ୱାରା ସେବା ଉପଲବ୍ଧ ହୋଇପାରିବ ସେ ସଂପର୍କରେ ଉପସ୍ଥିତ ମହିଳା ମାନଙ୍କୁ ସେ ପୁଙ୍ଖାନୁପୁଙ୍ଖ ଭାବରେ ବୁଝାଇଥିଲେ । କନ୍ଦରପୁର, ରାଜନଗର,ବେଣ୍ଟପଦା,ମେଘା, କଟକିଆସାହି, ଅନନ୍ତପୁର, ଧୁରୁଷିଆ, ମହାକାଳବସ୍ତ, ଘଣ୍ଟିଖାଲ ଓ ମଞ୍ଚେଶ୍ୱର ପଞ୍ଚାୟତରେ ପୃଥକ ପୃଥକ ଭାବରେ ହିତାଧିକାରୀଙ୍କୁ ସ୍ୱାସ୍ଥ୍ୟକାର୍ଡ ବଣ୍ଟନ କରାଯାଇଥିଲା । ଆଠଗଡ ପଞ୍ଚାୟତ ସମିତି ଅଧ୍ୟକ୍ଷ କୃଷ୍ଣଚନ୍ଦ୍ର ଦଳାଇ, ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ରଞ୍ଜନ କୁମାର ଆଚାର୍ଯ୍ୟ, ଜିଲ୍ଲା ପରିଷଦ ଜୋନ ୩ର ସଦସ୍ୟା ଜାନକୀ ଲତା ନାଏକ, ଜିଲ୍ଲାପରିଷଦ ଜୋନ ୨ର ସଦସ୍ୟ କେଶବ ଚନ୍ଦ୍ର ଦଳାଇ,ବିଜୁ ଜନତାଦଳର ବ୍ଲକ ସଭାପତି ରବିନ୍ଦ୍ରନାଥ ରାଉତ, ଜିଲ୍ଲା ଉପ ସଭାପତି ନୃସିଂହ ଚରଣ ମହାପାତ୍ର, ଯୁବନେତା ଅଶୋକ ରାଉତ, ନିରାକାର ଲେଙ୍କା, ହୃଦାନନ୍ଦ ସାମନ୍ତ, ମଞ୍ଚେଶ୍ୱର ସରପଞ୍ଚ ପ୍ରିୟବ୍ରତ ସାହୁ, ସମିତିସଭ୍ୟ ଅଶୋକ କୁମାର ଖଟୁଆ, ଘଣ୍ଟିଖାଲ ସରପଞ୍ଚ ଲକ୍ଷ୍ମୀଧର ମହାନ୍ତି, ସମିତିସଭ୍ୟ ପ୍ରଣବାନନ୍ଦ ପ୍ରଧାନ, ଯୁବନେତା ସନ୍ତୋଷ କୁମାର ବେହେରା,ଶ୍ରୀକର ଜେନା ଙ୍କ ସହିତ ବହୁ ଆଗଧାଡିର କର୍ମୀମାନେ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।

Comments are closed.