ସର୍ଭିସ ବନ୍ଧକରୁ ଗୁଳି ଫୁଟାଇ ବିଏସଏଫ୍ ଯବାନଙ୍କ ଆତ୍ମହତ୍ୟା

ଜଲାପୁଟସ୍ଥିତ ବିଏସଏଫ୍ ୧୫ ବାଟାଲିୟନର ଯବାନ ଇନ୍ଦ୍ରଜିତ ସିଂହ(୨୭)ଙ୍କ ମୃତ୍ୟୁ

ଲମତାପୁଟ: ନିଜ ସର୍ଭିସ ବନ୍ଧକରୁ ଗୁଳି ଫୁଟାଇ ବିଏସଏଫ୍ ଯବାନଙ୍କ ଆତ୍ମହତ୍ୟା ଉଦ୍ୟମ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍‌ପିଟାଲ୍‌ରେ ଭର୍ତ୍ତି କରାଯାଉଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା। ମୃତ ଯବାନଙ୍କ ନାମ ଇନ୍ଦ୍ରଜିତ ସିଂହ ଓ ଜଲାପୁଟସ୍ଥିତ ବିଏସଏଫ୍ ୧୫ ବାଟାଲିୟନର ସେ କାର୍ଯ୍ୟ କରୁଥିଲେ ବୋଲି ଜଣାପଡ଼ିଛି। ବର୍ତ୍ତମାନ କାରଣ ଅସ୍ପଷ୍ଟ ଥିବା ବେଳେ କେଉଁ କାରଣରୁ ଇନ୍ଦ୍ରଜିତ ସିଂହ ଆତ୍ମହତ୍ୟା କରିଛନ୍ତି, ତାହା ଜଣାପଡ଼ିନାହିଁ।

ମିଳିଥିବା ସୂଚନା ଅନୁଯାୟୀ ଆଜି ସକାଳେ ଜଲାପୁଟସ୍ଥିତ ୧୫ ବିଏସଏଫ୍ ବାଟାଲିୟନର ଯବାନ ଇନ୍ଦ୍ରଜିତ ସିଂହ ନିଜ ରିଭଲଭରରେ ଗୁଳିକରି ଆତ୍ମହତ୍ୟା ଉଦ୍ୟମ କରିଥିଲେ। ଗୁରୁତର ଅବସ୍ଥାରେ ତାଙ୍କୁ ଲମତାପୁଟ ଆଶାକିରଣ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଇନ୍ଦ୍ରଜିତଙ୍କୁ ଡାକ୍ତର ମୃତ ଘୋଷଣା କରିଥିଲେ। ଇନ୍ଦ୍ରଜିତ ସିଂହ ରାଜସ୍ଥାନର ବୋଲି ଜଣାପଡ଼ିଛି। ବିଏସ୍‌ଏଫ୍‌ ଯବାନ ଇନ୍ଦ୍ରଜିତ ସିଂହ ଗତ ସପ୍ତାହରେ ଛୁଟିରେ ନିଜ ଗାଁକୁ ଯାଇ ଗୁରୁବାର ଜଲାପୁଟ କ୍ୟାମ୍ପକୁ ଫେରିଥିଲେ। ଆଜି ସକାଳେ ନିଜ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି।

Comments
Loading...