ଫିରୋଜପୁରରେ ପାକିସ୍ତାନୀ ଅନୁପ୍ରବେଶ ଉଦ୍ୟମ ବିଫଳ : ପଠାନକୋଟରେ ରେଡ୍ ଆଲର୍ଟ

ଚଣ୍ଡିଗଡ : ପଞ୍ଜାବର ଫାଜିଲ୍କାର ସୀମାନ୍ତବର୍ତ୍ତୀ ଗ୍ରାମ ପକ୍କା ଚିସ୍ତି ନିକଟରେ ବିଏସ୍ଏଫ୍ ଜବାନମାନେ ପାକିସ୍ତାନୀ ଅନୁପ୍ରବେଶ ଉଦ୍ୟମକୁ ବିଫଳ କରିଛନ୍ତି। ଘନ କୁହୁଡ଼ି ମଧ୍ୟରେ ତାର ବାଡ଼ ନିକଟରେ ଏହି ଅନୁପ୍ରବେଶର ସୁରାକ ପାଇବା ମାତ୍ରେ ସୈନିକମାନେ ଗୁଳି ଚଳାଇବା ଆରମ୍ଭ କରିଦେଲେ ଯାହା ଦ୍ବାରା ଅନୁପ୍ରବେଶକାରୀମାନେ ପଳାଇ ଯାଇଥିଲେ।
ଗୁରୁବାର ସକାଳେ ଖୋଜାଖୋଜି ସମୟରେ ତାର ବାଡ଼ ନିକଟରେ ଏକ ଛଅ ଫୁଟ ଲମ୍ୱା ଷ୍ଟୁଲ୍ ସିଡ଼ି ଏବଂ ୨୬ ଫୁଟ ଲମ୍ବ ଲୁହା ପାଇପ୍ ମିଳିଥିଲା। ସାଦଗୀ ପୋଷ୍ଟ ନିକଟରେ ଥିବା ବିଓପି ଶେରେୱାଲା ନିକଟରେ ଏହି ଘଟଣା ଘଟିଛି। ସେପଟେ ପଠାନକୋଟରେ ପ୍ରଶାସନ ସତର୍କ ସୂଚନା ଜାରି କରିଛି।
ସୂଚନା ଅନୁସାରେ, ବୁଧବାର ରାତିରେ ବିଏସ୍ଏଫ୍ ବାଟାଲିୟନ -୧୮୧ କର୍ମଚାରୀ ସୀମାନ୍ତ ଗାଁ ପକ୍କା ଚିସ୍ତି ନିକଟରେ ପାଟ୍ରୋଲିଂ କରୁଥିଲେ। ଘନ କୁହୁଡି ଏବଂ ଅନ୍ଧକାର ଯୋଗୁଁ ଦୂରରୁ ମଧ୍ୟ କିଛି ଦେଖାଯାଇନଥିଲା। ତାର ବାଡ଼ ନିକଟରେ ପାକିସ୍ତାନ ଆଡୁ କିଛି କାର୍ୟ୍ୟକଳାପର ସୂଚନା ମିଳିଥିଲା। ଏହି ଶବ୍ଦ ଶୁଣି ବିଏସଏଫ ଜବାନମାନେ ଗୁଳି ଚଳାଇବା ଆରମ୍ଭ କରିଥିଲେ।

ପଠାନକୋଟରେ ରେଡ୍ ଆଲର୍ଟ 
ଏୟାରବେସ୍ ଆକ୍ରମଣର ପାଞ୍ଚ ବର୍ଷ ପୂର୍ତ୍ତି  ଏବଂ ଗୁପ୍ତଚର ସଂସ୍ଥାଗୁଡ଼ିକର ଇନପୁଟ୍ ପରେ ପଠାନକୋଟରେ ଏକ ରେଡ୍ ଆଲର୍ଟ ଜାରି କରାଯାଇଛି। ଭାରତ-ପାକ୍ ସୀମାରେ ଅବସ୍ଥିତ ମିଆଲ୍ ଏବଂ ନାରୋଟ୍ ଜମାଲ୍ ଅଞ୍ଚଳରେ ଦୈନିକ ସର୍ଚ୍ଚ ଅପରେସନ୍ କରାଯାଉଛି।

ଗୁରୁବାର ଦିନ  ପଠାନକୋଟ ଏସଏସପି ଗୁଲନୀତ ସିଂହ ଖୁରାନା ସୀମାନ୍ତ ଗ୍ରାମ ବ୍ୟତୀତ ଗୁରୁତ୍ୱପୂର୍ଣ୍ଣ ପୁଲିସ ଆଉଟପୋଷ୍ଟ ବାମିଆଲ ପରିଦର୍ଶନ କରିଛନ୍ତି। ଏହା ପରେ ଏସଏସପି ଥାନାକୁ ଯାଇ ନରୋତ ଜମାଲ ସିଂହଙ୍କ ଠାରୁ ସୁରକ୍ଷା ବ୍ୟବସ୍ଥା ସଂପର୍କରେ ଅନୁଧ୍ୟାନ କରିଥିଲେ।

Comments
Loading...