ସୁରେନ୍ଦ୍ର ସାହୁଙ୍କ ବିୟୋଗରେ ଶ୍ରଦ୍ଧାଞ୍ଜଳି ସଭା

ବ୍ରଜରାଜନଗର: ହୀରାଖଣ୍ଡ ବିଦ୍ୟୁତ କର୍ମଚାରୀ ସଂଘ ବ୍ରଜରାଜନଗର ଡ଼ିଭିଜନର ସଂପାଦକ ସୁରେନ୍ଦ୍ର କୁମାର ସାହୁଙ୍କ ଗତ ୧୦ ତାରିଖ ଦିନ ପରଲୋକ ଘଟିଛି। ପରଲୋକଗତ ଶ୍ରୀ ସାହୁଙ୍କୁ ଶ୍ରଦ୍ଧାଞ୍ଜଳି ଜଣାଇବା ଲାଗି ହୀରାଖଣ୍ଡ ବିଦ୍ୟୁତ କର୍ମଚାରୀ ସଂଘ ଓ ଅଫିସର ସଂଘର ମିଳିତ ଭାବେ ବ୍ରଜରାଜନଗର ବିଦ୍ୟୁତ ଡ଼ିଭିଜନ କାର୍ୟ୍ୟାଳୟ ପରିସରରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି ।

ବ୍ରଜରାଜନଗର ଏସଡ଼ିଓ ଜଗନ୍ନାଥ ବାରିକିଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଦିବଙ୍ଗତ ଅମର ଆତ୍ମାର ସଦଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯିବା ସହିତ ଉପସ୍ଥିତ ବ୍ୟକ୍ତି ବିଶେଷ ସ୍ବର୍ଗତ ଶ୍ରୀ ସାହୁଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ଏହି ଅବସରରେ ବେଲପାହାଡ଼ ଏସଡ଼ିଓ କାନ୍ଧୁ କୁମାର ଟପୋ , ବ୍ରଜରାଜନଗର ବିଦ୍ୟୁତ ଡ଼ିଭିଜନର ଡ଼ିଏଫଏମ ପ୍ରଶାନ୍ତ କୁମାର ସ୍ବାଇଁ , ଗାନ୍ଧିଛକ ବିଦ୍ୟୁତ ସେକ୍ସନ କନିଷ୍ଠ ଯନ୍ତ୍ରୀ ଚିତ୍ତରଞ୍ଜନ ପଟେଲ , ଗୁମାଡ଼େରା ବିଦ୍ୟୁତ ସେକ୍ସନ କନିଷ୍ଠ ଯନ୍ତ୍ରୀ ମିନକେତନ ପ୍ରଧାନ , ପଞ୍ଚାଗାଁ ବିଦ୍ୟୁତ ସେକ୍ସନ କନିଷ୍ଠ ଯନ୍ତ୍ରୀ ମାନସ ମହାନ୍ତି , ହୀରାଖଣ୍ଡ ବିଦ୍ୟୁତ କର୍ମଚାରୀ ସଂଘର ଉପ ସଭାପତି ବିରଞ୍ଚି ସାହୁ , ହୀରାଖଣ୍ଡ ବିଦ୍ୟୁତ କର୍ମଚାରୀ ସଂଘ ବ୍ରଜରାଜନଗର ଶାଖା ସମ୍ପାଦକ ସମରେନ୍ଦ୍ର ପାଣି ପ୍ରମୁଖ ଉପସ୍ଥିତ ଥିଲେ। ସ୍ୱର୍ଗତ ଶ୍ରୀ ସାହୁ ଗତ ମଇ ମାସ ୩୧ ତାରିଖରେ ଚାକିରିରୁ ଅବସରଗ୍ରହଣ କରିଥିଲେ।

Comments are closed.