କାର ଧକ୍କାରେ ମାଆ ମୃତ, ଝିଅ ଗୁରୁତର

ବ୍ରଜରାଜନଗର: ଝାରସୁଗୁଡା ଜିଲା ବ୍ରଜରାଜନଗର ଥାନା ରାମପୁର ଫାଣ୍ଡି ଅନ୍ତର୍ଗତ କୁକୁରିକାନି ଅଞ୍ଚଳରେ ଶନିବାର ଏକ କାର ଧକ୍କାରେ ଜଣେ ମହିଳାଙ୍କ ମୃତ ଘଟିଥିବାବେଳେ ତାଙ୍କର ଝିଅ ଗୁରୁତର ଆହତ ହୋଇଛନ୍ତି।

ସୂଚନା ଅନୁଯାୟୀ, କତାବଗା ଅଞ୍ଚଳର ଲତା ବେହେରା ଓ ତାଙ୍କ ଝିଅ ରେଣୁକା ବେହେରା ସକାଳେ କୁକୁରିକାନି ସହରାଞ୍ଚଳ ପ୍ରାଥମିକ ଚିକିତ୍ସା କେନ୍ଦ୍ରକୁ ଚିକତ୍ସା ପାଇଁ ଆସିଥିଲେ। ହେଲେ ଉଭୟ ଚାଲିଚାଲି ଫେରୁଥିବା ସମୟରେ ପଛ ପଟୁ ଏକ କାର (ଓଆର-୨୩-ଡି- ୯୯୨୧) ଧକ୍କା ଦେଇଥିଲା। ଏହାପରେ ସେ ପାଖରେ ଥିବା ଏକେ ଡ୍ରେନରେ ପଶିଯାଇଥିଲା। ଗୁରୁତର ମାଆ ଝିଅଙ୍କୁ ସ୍ଥାନୀୟଲୋକେ ଉଦ୍ଧାର କରିଚିକିତ୍ସା ପାଇଁ କେନ୍ଦ୍ରୀୟ ଚିକିତ୍ସାଳୟ ମଣ୍ଡାଳିଆକୁ ନେଇଥିଲେ। ହେଲେ ସେଠାରେ ଡାକ୍ତର ଲତାଙ୍କୁ ମୃତ ଘୋଷଣା କରିଥିଲେ। ତବେ ତାଙ୍କ ଝିଅ ରେଣୁକାଙ୍କ ଅବସ୍ଥା ସଙ୍କଟାପନ୍ନ ରହିଥିବା ଜଣା ପଡ଼ିଛି। ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବାସହ ଦୁର୍ଘଟଣାର ତଦନ୍ତ ଆରମ୍ଭ କରିଛି। ସେପଟେ ଦୁର୍ଘଟଣା ଘଟାଇଥିବା କାର ଚାଳକକୁ ପୁଲିସ ଅଟକ ରଖିଛି।

Comments are closed.