ବ୍ରଜରାଜନଗର : ଲକ ଡାଉନ ଉଲଙ୍ଘନକାରୀ ମାନେ ନୂଆ ନୂଆ ତରିକାରେ ପୋଲିସକୁ ଭୁଆଁ ବୁଲାଇବାରେ ଲାଗିଛନ୍ତି। ବୁଧବାର ସନ୍ଧ୍ୟାରେ ଜଣେ ହାଇ ପ୍ରୋଫାଇଲ ମହିଳା ତାଲା ବନ୍ଦକୁ ଅମାନ୍ୟ କରି ଓଲଟା ପୁଲିସ ଉପରେ ହୁକୁମାତି ଚଳାଇବାର ଘଟଣାକୁ ମାତ୍ର କେଇ ଘଣ୍ଟା ବିତିଥିଲେ ହେଁ ଶୁକ୍ରବାର କିଛି ଅସାମାଜିକ ବ୍ୟକ୍ତି ନିଜକୁ ସାମ୍ବାଦିକ କହି ଗାନ୍ଧିଛକ ଫାଣ୍ଡିରେ ଗାଡି ରଖି ଦାଦାଗିରି ଚଳାଇଥିବା ଦୃଶ୍ୟ ଦେଖିବାକୁ ମିଳିଛି।
ଘଟଣାରୁ ପ୍ରକାଶ ଯେ, ଆଜି ଦୁଇ ଜଣ ବ୍ୟକ୍ତି ଗାନ୍ଧି ଛକ ଫାଣ୍ଡିରେ ବାଇକ ରଖି ବାହାରକୁ ଚାଲି ଯାଇଥିଲେ। ହେଲେ ବାଇକଟି ଫାଣ୍ଡି ଭିତରେ ଥିବାରୁ ସବୁ ଦାଇତ୍ୱ ପୁଲିସର ତେଣୁ ପୁଲିସ ଉଭୟଙ୍କୁ ପରିଚୟ ମାଗିଥିଲେ। ହେଲେ ଏତିକିରେ ଉଭୟ ବ୍ୟକ୍ତି ନିଜକୁ ସାମ୍ବାଦିକ କହି ପୁଲିସ ସହିତ ଉଚ୍ଚବାଚ କରି ପୁଲିସର ବଡ଼ ବଡ଼ିଆଙ୍କ ସହିତ ତାଙ୍କର ଉତ୍ତମ ସମ୍ପର୍କ ରହିଥିବାର ଧମକ ଦେଇଥିଲେ। ସାମ୍ବାଦିକର ପରିଚୟ ପ୍ରଦାନ କରୁଥିବା ଦୁଇ ବ୍ୟକ୍ତି ନିଜର ସୀମା ଟପୁଥିବାର ଦେଖି ପୁଲିସ ଉଭୟଙ୍କୁ କ୍ଷମା ମାଗି ନେଇଥିଲା। ହେଲେ ଘଟଣା ଏତିକିରେ ସରିନଥିଲା ସାମ୍ବାଦିକ ପରିଚୟ ଦେଇଥିବା ୨ ଭଦ୍ର ବ୍ୟକ୍ତି ବାହାରକୁ ଯାଇ ଆଉ ଜଣେ ବ୍ୟକ୍ତିଙ୍କୁ ଫାଣ୍ଡିକୁ ଆଣି ଅଞ୍ଚଳର ଜଣେ ବରିଷ୍ଠ ସାମ୍ବାଦିକ ବୋଲି ପୁଲିସ ଆଗରେ ନିଜର ଦବଦବା ଜାହିର କରିଥିଲେ। ଆଉ ସେହି ବରିଷ୍ଠ ସାମ୍ବାଦିକ ଜଣକ ସାରା ଫାଣ୍ଡି ଅଧିକାରୀ ଓ କର୍ମଚାରୀଙ୍କୁ ପୁଲିସ ବିଭାଗରେ ତାଙ୍କରି ହୁକୁମତି ଚଳୁଥିବାର ଭୟ ଦେଖାଇବାର ସହିତ କେତେକ ସ୍ଥାନୀୟ ସାମ୍ବାଦିକ ତାଙ୍କରି ଅଧୀନରେ କାମ କରୁଥିବାର ଫୁଟାଣି ମାରି ଚାଲିଯାଇଥିଲେ। ଗରିବ ଖଟିଖିଆ ଲୋକେ ଲକ ଡାଉନକୁ ମୁଣ୍ଡପାତି ସହଯୋଗ କରୁଥିବା ବେଳେ କିଛି ବଡ଼ ବଡ଼ିଆ ଓ ତାଙ୍କରି ଚାଟୁକରମାନେ ସରକାରଙ୍କ ନିୟମକୁ ଉଲଂଘନ କରି ନିଜ କାମରେ ବ୍ୟସ୍ତ ଥିବା ପୋଲିସ ପ୍ରଶାସନ ଉପରେ ରୋବାଵ ଝାଡୁଛନ୍ତି। ଘଟଣାର ତଦନ୍ତ କରାଯିବା ସହିତ ସାମ୍ବାଦିକ ବୋଲାଉଥିବା ୩ ଜଣ ବ୍ୟକ୍ତି କିଏ? ଯଦିଓ ସେମାନେ ପ୍ରକୃତରେ ସାମ୍ବାଦିକ ତେବେ ସେମାନେ ନିଜର ଆଚାର ବ୍ୟବହାରରେ ସଂଯମତ ରଖିବା ଆବଶ୍ୟକ ବୋଲି ମତ ପ୍ରକାଶ ପାଇଛି।
Comments are closed.