ବୌଦ୍ଧ: ରାଜ୍ୟ ପୋଲିସ ପକ୍ଷରୁ ଜନସାଧାରଣଙ୍କୁ ତୁରନ୍ତ ସେବା ଯୋଗାଇବା ପାଇଁ ପଦକ୍ଷେପ ନିଆଯାଇ ୧୧୨ ସେବା ଆରମ୍ଭ କରାଯାଇଛି। ବୌଦ୍ଧ ପୋଲିସ ପକ୍ଷରୁ ଏହି ସେବା ଯୋଗାଇବାକୁ ଦୁଇଗୋଟି ଗାଡିକୁ ପତାକା ଦେଖାଇ ଜିଲା ଆରକ୍ଷୀ ଅଧିକ୍ଷକ ଜ୍ଞାନ ରଞ୍ଜନ ମହାନ୍ତି ଶୁଭାରମ୍ଭ କରିଛନ୍ତି। ଲୋକମାନେ ୧୧୨ ନମ୍ବରକୁ ଡାଏଲ କଲେ ଉକ୍ତ ସେବା ଯୋଜନା ଅନୁଯାୟି ତୁରନ୍ତ ପୋଲିସ ଘଟଣାସ୍ଥଳରେ ପହଞ୍ଚିବ ବୋଲି ଆରକ୍ଷୀ ଅଧିକ୍ଷକ ଶ୍ରୀ ମହାନ୍ତି ସୁଚନା ଦେଇଥିଲେ। ବୌଦ୍ଧ ଆଦର୍ଶଥାନା ଓ ମନମୁଣ୍ଡା ଥାନା ଅଞ୍ଚଳରେ ଏହି ସେବା ଯୋଗାଇଦିଆଯାଇଥିବା ଜଣାପଡ଼ିଛି। ଏହି କାର୍ଯ୍ୟକ୍ରମରେ ଡିଏସପି ଧିରେନ୍ଦ୍ର ସ୍ୱାଇଁ , ଦେବାଶିଷ ଧଳ ,ଏସଡିପିଓ ଆନନ୍ଦ ବର୍ଦ୍ଧନ ଗୁରୁ , ବୌଦ୍ଧ ଥାନା ଅଧିକାରୀ ମାଧବାନନ୍ଦ ନାଏକ, ରିଜର୍ଭ ଇନିସପେକଟର ମଧୁସୁଦନ ମହାପାତ୍ର ଓ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।
Comments are closed.