ବୌଦ୍ଧ : ବୌଦ୍ଧ ଜିଲା ନଗର ମଣ୍ଡଳ ୧୦ର ପ୍ରଶିକ୍ଷଣ ଶିିବିର ମଣ୍ଡଳ ସଭାପତି ବ୍ୟୋମକେଶ ମହାପାତ୍ରଙ୍କ ଅଧ୍ୟକ୍ଷତାରେ ଜିଲା କାର୍ଯ୍ୟାଳୟଠାରେ ଅନୁଷ୍ଠିତ ହୋଇଯାଇଛି। ଶିବିରରେ ଜିଲା ସଭାପତି ବିପ୍ରଚରଣ ମହାନ୍ତି ଅତିଥି ଭାବରେ ଯୋଗଦେଇ ବିଜେପି ଦଳର ନୀତି, ଲକ୍ଷ୍ୟ, ଆଭିମୁଖ୍ୟ ଉପରେ ଆଲୋକପାତ କରିବା ସହ ବିଜେପିର ସବକା ସାଥ ସବକା ବିକାଶ ଓ ସବକା ବିଶ୍ୱାସର ମୂଳ ମନ୍ତ୍ର ବୋଲି ପ୍ରକାଶ କରିଥିଲେ। ଜିଲାରେ ଦୁଇଦିନ ଧରି ହେବାକୁ ଥିବା ଏହି ଶିବିରିରେ ୧୦ ଗୋଟି ସତ୍ରରେ ବିଭିନ୍ନ ଦିଗ ଉପରେ ପ୍ରଶିକ୍ଷଣ ଦିଆଯିବ ବୋଲି ସୂଚନା ପ୍ରଦାନ କରାଯାଇଛି। ଶିବିରର ପ୍ରଥମ ଦିନରେ ରାକେଶ କୁମାର ତ୍ରିପାଠୀ ଓ ବିକାଶ କୁମାର ମହାକୁଡ ପ୍ରଶିକ୍ଷଣ ପ୍ରଦାନ କରିଥିଲେ। କାର୍ଯ୍ୟକ୍ରମରେ ଅତିଥିଭାବେ ସୂର୍ଯ୍ୟକାନ୍ତ ଦଳବେହେରା ଓ ସନ୍ତୋଷ କୁମାର ଅଗ୍ରୱାଲା, ପୁର୍ବତନ ସେନାନୀ କାର୍ତ୍ତିକ ତ୍ରିପାଠୀ ଯୋଗଦେଇ ଦଳକୁ କିପରି ଶକ୍ତିଶାଳି କରିହେବ ଏନେଇ ଆଲୋକପାତ କରିଥିଲେ। ଦଳର ପୁର୍ବତନ ଜିଲା ସଭାପତି ଅଞ୍ଜନ କୂମାର ସାହୁ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ। ଏଥିରେ ଦଳର ବରିଷ୍ଠ ନେତା ମନୋରଞ୍ଜନ ଦାଶ, ତାପସ କୁମାର ପଟ୍ଟନାୟକ, ପ୍ରେମାନନ୍ଦ ମିଶ୍ର, ସତ୍ୟାନନ୍ଦ ପାଣ୍ଡେ, ଶ୍ୟାମସୁନ୍ଦର ପୁରୋହିତ, ନମିତା ରାଣୀ ଦାଶ ଓ ନିବେଦିତା ମହାକୁଡ ପ୍ରମୁଖ ଉପସ୍ଥିତ ଥିଲେ।
Comments are closed.