ଆଠଗଡ : ଆଠଗଡ ବ୍ଲକର ଦୋରଡ ଗ୍ରାମର ସାମାଜିକ କର୍ମୀ ସୁଧାଂଶୁ ଶେଖର ସାହୁ ନିଜ ଜନ୍ମଦିନରେ ଅଙ୍ଗଦାନ କରିବା ପାଇଁ ସତ୍ୟପାଠ କରି ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି। ଦୋରଡ ଗ୍ରାମର ଶିଶିର ସାହୁଙ୍କ ପୁଅ ସୁଧାଂଶୁ ଶେଖର ସାହୁ ତାଙ୍କର ୨୮ତମ ଜନ୍ମଦିବସରେ କଟକସ୍ଥିତ ସମାଜ କାର୍ଯ୍ୟାଳୟକୁ ଯାଇ ଅଙ୍ଗଦାନ ଅଭିଯାନର ସଭାପତି ଡଃ ପ୍ରଭାସ ଚନ୍ଦ୍ର ଆଚାର୍ଯ୍ୟଙ୍କୁ ସାକ୍ଷାତ କରି ନିଜର ଅଙ୍ଗଦାନ ପାଇଁ ସତ୍ୟପାଠ କରିଥିଲେ। ଡଃ ଆଚାର୍ଯ୍ୟ ସୁଧାଂଶୁଙ୍କୁ ଜନ୍ମଦିବସର ଶୁଭେଚ୍ଛା ଜଣାଇବା ସହ ଅଙ୍ଗଦାନ ପଞ୍ଜିକରଣ କାର୍ଡ ପ୍ରଦାନ କରିଥିଲେ। ସୁଧାଂଶୁଙ୍କ ସହିତ ପ୍ରଗତି ଫାଉଣ୍ଡେସନର ସଂପାଦକ ପ୍ରଦୀପ କୁମାର ନାୟକ ଓ ଅନ୍ୟ ସହଯୋଗୀ ସମାଜ କାର୍ଯ୍ୟାଳୟରେ ଉପସ୍ଥିତ ଥିଲେ। ନିଜ ଜନ୍ମଦିନରେ ସୁଧାଂଶୁ କେବଳ ଅଙ୍ଗଦାନ ସତ୍ୟପାଠ କରିନାହାନ୍ତି ବରଂ ମହାକାଳବସ୍ତ ପଞ୍ଚାୟତ ଏବଂ କଟକ ରେଳଷ୍ଟେସନ ନିକଟରେ ୧୫୦ଜଣ ଗରିବ ଓ ଅସହାୟ ଲୋକଙ୍କୁ ଶୁଖିଲା ଖାଦ୍ୟ ବଣ୍ଟନ କରିଥିବା ଜଣାପଡ଼ିଛି।
Comments are closed.