ଭୁବନେଶ୍ୱରରେ ଖୋଲିବ ସେଲୁନ ଓ ଜଳଖିଆ ଦୋକାନ; ମନ୍ଦିର-ମଲ-ଜିମ-ସିନେମା ହଲ ଲାଗି କଟକଣା ବଳବତ୍ତର
ନୂଆ ମାର୍ଗଦର୍ଶିକା ଜାରି କଲା ଭୁବନେଶ୍ବର ମହାନଗର ନିଗମ
ଭୁବନେଶ୍ବର : ଲକଡାଉନର ଚତୁର୍ଥ ପର୍ଯ୍ୟାୟ ମେ ୩୧ ତାରିଖ ଯାଏ ବୃଦ୍ଧିପରେ ମଙ୍ଗଳବାର ଭୁବନେଶ୍ୱର ମହାନଗର ନିଗମ ପକ୍ଷରୁ ନୂଆ ମାର୍ଗଦର୍ଶିକା ଜାରି କରାଯାଇଛି । ଏହି ଲକଡାଉନ ୪.୦ରେ କେଉଁ କ୍ଷେତ୍ରକୁ କଟକଣା କୋହଳ କରାଯାଇଛି ଓ କେଉଁ କ୍ଷେତ୍ରରେ କଟକଣା ଜାରିରହିଛି ତାହା ସ୍ପଷ୍ଟ ସୂଚନା ଦେଇଛି ଭୁବନେଶ୍ୱର ମହାନଗର ନିଗମ ।
– ବିମାନସେବା ଉପରେ ସମ୍ପୂର୍ଣ୍ଣ ରୂପେ କଟକଣା ବଳବତ୍ତର ରହିଛି ।
– ସ୍କୁଲ, କଲେଜ ଓ ଅନ୍ୟ ଶିକ୍ଷାନୁଷ୍ଠାନ ବନ୍ଦ ରହିବ, ଅନଲାଇନ ପାଠପଢ଼ା ଚାଲୁ ରହିବ ।
– ସିନେମା, ସପିଂମଲ, ଜିମ, ଅଡିଟୋରିୟମ, ସୁଇମିଂପୁଲ, ଗେମ ପାର୍ଲର, ମନୋରଂଜନ ପାର୍କ, ସଭାଗୃହ ଆଦି ବନ୍ଦ ରହିବ ।
– ସାମାଜିକ, ରାଜନୈତିକ, ଧାର୍ମିକ କାର୍ଯ୍ୟକ୍ରମ ବନ୍ଦ ରହିବ, ଧର୍ମାନୁଷ୍ଠାନରେ ପୂଜାର୍ଚ୍ଚନା କରାଯାଇପାରିବ ନାହିଁ ।
– ସେଲୁନ, ପାର୍ଲର ଓ ସ୍ପା ଖୋଲିବ କିନ୍ତୁ ମାସ୍କ ଓ ଗ୍ଲୋଭସ ପିନ୍ଧିବା ବାଧ୍ୟତାମୂଳକ କରାଯାଇଛି ।
– ରାସ୍ତାକଡ ଜଲଖିଆ ଦୋକାନ ଖୋଲିବ, ହେଲେ ସେଠାରେ ଖାଇପାରିବେ ନାହିଁ । ଲୋକେ ଖାଦ୍ୟ ପୁଡିଆ ଘରକୁ ନେଇପାରିବେ।
– କ୍ରୀଡ଼ା ପରିସର ଖୋଲିବ। ଖେଳାଳି ଭିତରକୁ ପ୍ରବେଶ କରି ପାରିବେ କିନ୍ତୁ ଦର୍ଶକମାନେ ଯାଇପାରିବେ ନାହିଁ ।
– ସାମାଜିକ, ରାଜନୈତିକ, ଧାର୍ମିକ କାର୍ଯ୍ୟକ୍ରମ ବନ୍ଦ ରହିବ । ଧର୍ମାନୁଷ୍ଠାନରେ ପୂଜାର୍ଚ୍ଚନା କରାଯାଇପାରିବ ନାହିଁ ।
– ବସଷ୍ଟାଣ୍ଡ ଓ ରେଳଷ୍ଟେସନରେ କ୍ୟାଣ୍ଟିନ ଖୋଲାଯାଇପାରିବ ନାହିଁ ।
– ହେଟେଲ, ରେସ୍ତୋରାଁ ବନ୍ଦ ରହିବ । କିନ୍ତୁ ହୋମ ଡେଲିଭରି ପାଇଁ କୌଣସି ଅସୁବିଧା ନାହିଁ ।
– ହେଟେଲ, ଲଜ, ଅତିଥିବ ଭବନ ଓ ଅନ୍ୟ ହସ୍ପିଟାଲିଟି ସେବା ଯୋଗାଉଥିବା ସ୍ଥାନ ଚାଲୁ ରହିବ ।
– ମଲ୍ଟି ଷ୍ଟୋରେଡ ସପ୍ପିଂମଲରେ ଗ୍ରୋସରୀ, ପନିପରିବା, ମେଡିସିନ ଦୋକାନ ଖୋଲିପାରିବ କିନ୍ତୁ ଅନ୍ୟ ସାମଗ୍ରୀ ବିକ୍ରିକୁ ଅନୁମତି ମିଳିବ ନାହିଁ ।
ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଗାଇଡ ଲାଇନ ଅନୁସାରେ ଦୋକାନର ମାଲିକ ସାମାଜିକ ଦୂରତା ରକ୍ଷା କରିବା ପାଇଁ ଦାୟୀ ହେବେ । ସମସ୍ତ ଦୋକାନ ଅଥବା ବ୍ୟଣିଜ୍ୟିକ ପ୍ରତିଷ୍ଠାନରେ ସମସ୍ତେ ମାସ୍କ ପିନ୍ଧିବା ବାଧ୍ୟତାମୂଳକ । ଫ୍ଲୁ ଲକ୍ଷଣ ଥିଲେ କୌଣସି ବ୍ୟକ୍ତିଙ୍କୁ କୌଣସି ଦୋକାନ ବା ବାଣିଜ୍ୟିକ ପ୍ରତିଷ୍ଠାନକୁ ଯାଇପାରିବେ ନାହିଁ । ବିଏମ୍ସିର ପୂର୍ବ ଆଦେଶ ଅନୁସାରେ ଭୁବନେଶ୍ୱରରେ ପରିବା ଓ ଗ୍ରୋସରୀ ଦୋକାନ ଖୋଲିପାରିବ । ସେହିପରି ବାରିକ ଦୋକାନ, ସାଲୁନ, ବିଉଟି ପାର୍ଲରରେ କର୍ମୀ ସଠିକ ପିପିଇ ଯଥା ମାସ୍କ, ହାତ ଗ୍ଲୋଭସ ଆଦି ବ୍ୟବହାର କରିବେ। ଔଷଧ ଦୋକାନକୁ ଛାଡି ସମସ୍ତ ଦୋକାନଗୁଡ଼ିକ ସକାଳ ୭ଟାରୁ ସନ୍ଧ୍ୟା ସାଢ଼େ ୬ଟା ପର୍ଯ୍ୟନ୍ତ ଖୋଲିପାରିବ ।
ରାଜଧାନୀର ୧୧ଟି ସପିଂ ମଲ ଉପରେ କଟକଣା ବଳବତ୍ତର ରହିଛି ସେଗୁଡ଼ିକ ହେଲା-
୧- ଏପ୍ଲାନେଡ ୱାନ୍,ରସୁଲଗଡ଼
୨- ଫୋରମ ମାର୍ଟ, ସତ୍ୟନଗର
୩- ବିଏମସି ଭବାନୀ ମଲ, ସହିଦନଗର
୪- ସେଣ୍ଟ୍ରାଲ ସପିଂ ମଲ, ସହିଦନଗର
୫- ପାଣ୍ଟାଲୁନ୍ ମଲ, ସହିଦନଗର
୬- ରିଲାଏନ୍ସ ସୁପର , ଭୁବନେଶ୍ୱର ରେଳଷ୍ଟେନ ପାଖ
୭- ଉତ୍କଳ ଗ୍ୟାଲେରିଆ, କଳ୍ପନା ସ୍କୋୟାର
୮- ବିଏମସି କେଶରୀ ମଲ୍, ୟୁନିଟ୍-୨ ମାର୍କେଟ
୯- ସିଫୋନି ମଲ୍, ରୁଦ୍ରପୁର
୧୦- ଡିଏନ ରେଗାଳିଆ ମଲ, ପାତ୍ରପଡ଼ା
୧୧- କ୍ରୀଷ୍ଣା ପ୍ଲାଜା ମଲ୍, ନୟାପଲ୍ଲୀ
Comments are closed.