ଯେଉଁ ସହରର ଝିଅ ସହ ଦୁଷ୍କର୍ମ କରି ଆସାରାମ ଜେଲରେ, ସେହି ଜେଲରେ ତାଙ୍କ ଫଟୋ ସହ ବଣ୍ଟାଗଲା କମ୍ବଳ

ଏବେ ବିବାଦ ଘେରରେ ଉତ୍ତରପ୍ରଦେଶର ଶାହାଜାହାନପୁର ଜେଲ ପ୍ରଶାସନ। ସେଠାରେ ବଳାତ୍କାର ଅଭିଯୋଗରେ ଦୋଷୀ ସାବ୍ୟସ୍ତ ହୋଇଥିବା ଆସାରାମଙ୍କ ଫଟୋ ଲଗାଇ କଏଦୀମାନଙ୍କୁ କମ୍ବଳ ବଣ୍ଟନ କରାଯାଇଛି। ସେହି ସହରର ଜଣେ ଝିଅ ସହ ଆଶାରାମ ଦୁଷ୍କର୍ମ କରିଥିବା ଅଭିଯୋଗ ରହିଛି। ପୀଡିତାଙ୍କ ବାପା ଏହି ଘଟଣାକୁ ତୀବ୍ର ବିରୋଧ କରିବା ସହ ତଦନ୍ତ ଦାବି କରିଛନ୍ତି।

ଜେଲ ପ୍ରଶାସନ ପକ୍ଷରୁ ଏକ ପ୍ରେସ ନୋଟ୍ ଜାରି କରାଯାଇ ଏହାକୁ ଏକ ସରକାରୀ କାର୍ଯ୍ୟକ୍ରମ ଭାବେ ମାନ୍ୟତା ଦିଆଯାଇଛି। ସେଥିରେ କୁହାଯାଇଛି ଯେ ଲକ୍ଷ୍ନୌ ସ୍ଥିତ ଆସାରାମ ବାପୁଙ୍କ ଆଶ୍ରମରୁ କମ୍ବଳ ପଠାଯାଇଛି। ସୂଚନା ଅନୁଯାୟୀ, ଅର୍ଜୁନ ଏବଂ ନାରାୟଣ ପାଣ୍ଡେଙ୍କ ତରଫରୁ କମ୍ବଳ ବଣ୍ଟନ କରାଯାଇଛି ଯେଉଁମାନେ ଆସାରାମ ମାମଲାରେ ସାକ୍ଷୀଙ୍କୁ ହତ୍ୟା କରିଥିବା ଅର୍ଜୁନ ଏବଂ ପୁଷ୍ପେନ୍ଦ୍ର ଅଭିଯୋଗ କରିଛନ୍ତି। ଅଭିଯୁକ୍ତ ସେହି ଜେଲରେ ଥିଲେ ଏବଂ ଏବେ ଜାମିନରେ ଅଛନ୍ତି। ଗତ ବିଳମ୍ବିତ ରାତିରେ ପ୍ରେସ ନୋଟ୍ ଏବଂ ଫଟୋ ଭାଇରାଲ ହେବା ପରେ ଜେଲ କର୍ତୃପକ୍ଷ ସୋସିଆଲ ମିଡିଆରୁ ଫଟୋ ହଟାଇ ଦେଇଛନ୍ତି।

ଅନ୍ୟପକ୍ଷରେ ଶାହାଜାହାନପୁର ଜେଲ ଅଧୀକ୍ଷକ ରାକେଶ କୁମାର ଏ ସମ୍ପର୍କରେ ସ୍ପଷ୍ଟୀକରଣ ଦେଇଛନ୍ତି। ସେ କହିଛନ୍ତି ଯେ ବଳାତ୍କାର ମାମଲାର ସାକ୍ଷୀଙ୍କୁ ହତ୍ୟା କରିଥିବା ଅଭିଯୁକ୍ତ ଜାମିନରେ ଅଛନ୍ତି। ସେମାନେ ବନ୍ଦୀମାନଙ୍କୁ କମ୍ବଳ ବଣ୍ଟନ କରିବାକୁ ଇଚ୍ଛା ପ୍ରକାଶ କରିଥିଲେ, ତେଣୁ ଅନୁମତି ଦିଆଗଲା। ସେଠାରେ କୌଣସି ବହି ବଣ୍ଟନ କରାଯାଇନଥିଲା ବୋଲି ଯେ ଯୁକ୍ତି ଉପସ୍ଥାପନ କରିଛନ୍ତି। ସୂଚନାଯୋଗ୍ୟ ଯେ ଆସାରାମ ୨୦୧୩ରେ ଶାହାଜାହାନପୁରର ଜଣେ ଛାତ୍ରୀଙ୍କ ସହ ଦୁଷ୍କର୍ମ କରିଥିଲେ। ୨୦୧୮ରେ ରାଜସ୍ଥାନର ଯୋଧପୁର କୋର୍ଟ ତାଙ୍କୁ ଏହି ମାମଲାରେ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ।