ବନ୍ୟାଞ୍ଚଳ ପରିଦର୍ଶନ ବେଳେ ଓଲଟିଲା ଡଙ୍ଗା; ବୁଡିଗଲେ ବିଜେପି ସାଂସଦ ରାମକ୍ରିପାଲ ଯାଦବ

ପାଟନା: ବିହାରରେ ବନ୍ୟା ଯୋଗୁ ଜନଜୀବନ ସମ୍ପୂର୍ଣ୍ଣ ଅସ୍ତବ୍ୟସ୍ତ ହୋଇପଡ଼ିଛି। ବିଜେପି ସାଂସଦ ରାମକ୍ରିପାଲ ଯାଦବ ବୁଧବାର ବନ୍ୟାଞ୍ଚଳ ପରିଦର୍ଶନ କରିବା ଲାଗି ଯାଇଥିଲେ। ତେବେ ଏହି ସମୟରେ ଏକ ଅଘଟଣ ଘଟିଛି। ସାଂସଦ ରାମକ୍ରିପାଲ ଯେଉଁ ଡଙ୍ଗାରେ ବନ୍ୟାଞ୍ଚଳ ପରିଦର୍ଶନ କରୁଥିଲେ ସେହି ଡଙ୍ଗାଟି ହଠାତ ଓଲଟି ପଡ଼ିଥିଲା। ଫଳରେ ରାମକ୍ରିପାଲ ବନ୍ୟାପାଣିରେ ବୁଡ଼ି ଯାଇଥିଲେ। ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରିଥିଲେ। ଘଟଣାରେ ସାଂସଦ ସାମାନ୍ୟ ଆହତ ହୋଇଛନ୍ତି। ସେ ନିଜ ସୋସିଆଲ ମିଡିଆ ଆକାଉଣ୍ଟରେ ଘଟଣା ସମ୍ପର୍କରେ ସୂଚନା ଦେଇଥିଲେ। ପାଟଳିପୁତ୍ର ସଂସଦୀୟ କ୍ଷେତ୍ର ପରିଦର୍ଶନ ସମମୟରେ ଏହି ଦୁର୍ଘଟଣା ଘଟିଥିଲା। ବନ୍ୟା ଯୋଗୁ ଅନେକ ଅଞ୍ଚଳର ସ୍ଥିତି ଗମ୍ଭୀର ରହିଛି। ଲୋକମାନେ ବହୁ ସମସ୍ୟାର ସମ୍ମୁଖୀନ ହେଉଛନ୍ତି। ଲୋକଙ୍କୁ ଭେଟି ସେମାନଙ୍କ ସମସ୍ୟା ଦୂର ପାଇଁ ବ୍ୟବସ୍ଥା କରୁଛି ବୋଲି ରାମକ୍ରିପାଲ କହିଛନ୍ତି।

Comments
Loading...