ପଶ୍ଚିମବଙ୍ଗରେ ବିଜେପି ନେତାଙ୍କୁ ହତ୍ୟା, ଟିଏମସିକୁ ଦାୟୀ କଲା ଦଳ

ନଦିଆ: ପଶ୍ଚିମବଙ୍ଗର ନଦିଆ ଜିଲାରେ ଜଣେ ବିଜେପି ନେତାଙ୍କୁ ହତ୍ୟା କରାଯାଇଛି। ଦୁଇଜଣ ଦୁର୍ବୃତ୍ତ ବିଜେପି ନେତା ହାରାଲା ଦେବନାଥଙ୍କୁ ତାଙ୍କ ସ୍ତ୍ରୀଙ୍କ ସମ୍ମୁଖରେ ହତ୍ୟା କରିଛନ୍ତି। ଘରକୁ ଲାଗି ଦେବନାଥଙ୍କର ଏକ ଗୋସରୀ ଦୋକାନ ରହିଛି। ଶୁକ୍ରବାର ରାତିରେ ସେ ନିଜ ଦୋକାନ ବନ୍ଦ କରି ଘରକୁ ବାହାରିବା ସମୟରେ ଏହି ହତ୍ୟାକାଣ୍ଡ ଘଟିଛି।

ତେବେ ଏହି ହତ୍ୟାକାଣ୍ଡ ପାଇଁ ବିଜେପି ଜିଲା ସଭାପତି ଡ. ମାନୋବେନ୍ଦ୍ର ରଏ ଶାସକ ଟିଏମସିକୁ ଦାୟୀ କରିଛନ୍ତି। ରଏ କହିଛନ୍ତି, ଦେବନାଥ ଶୁକ୍ରବାର ରାତିରେ ତାଙ୍କ ଦୋକାନ ବନ୍ଦ କରୁଥିଲେ। ଦୋକାନ ବାହାରେ ସ୍ତ୍ରୀ ଠିଆ ହୋଇଥିଲେ। ଏହି ସମୟରେ ଦୁଇ ଜଣ ବ୍ୟକ୍ତି ଆସି କିଛି ସ୍ନାକ୍ସ ମାଗିଥିଲେ। ଦେବନାଥ ସେମାନଙ୍କୁ ସ୍ନାକ୍ସ ପ୍ୟାକେଟ ଦେଇ ବାହାରକୁ ଆସିବା ପରେ ଦୁଇ ଜଣ ବ୍ୟକ୍ତି ବନ୍ଧକୁ ବାହାର କରି ତାଙ୍କୁ ଗୁଳି କରିଥିଲେ। ତୁରନ୍ତ ଦେବନାଥଙ୍କୁ ଏକ ହସ୍ପିଟାଲକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଟିଏମସି ଏହି ହତ୍ୟାକାଣ୍ଡରେ ସମ୍ପୃକ୍ତ ଥିବା ସେ କହିଛନ୍ତି। ଏହି ଘଟଣାର ପ୍ରତିବାଦ କରିବା ସହିତ ଅଭିଯୁକ୍ତଙ୍କୁ ଗିରଫ କରିବା ଦାବିରେ ବିଜେପି ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି।

Comments
Loading...