ଆତଙ୍କୀ ଆକ୍ରମଣ​‌ରେ ଆହତ ବିଜେପି ନେତାଙ୍କ ମୃତ୍ୟୁ

ଜାମ୍ମୁ: ଜାମ୍ମୁ-କାଶ୍ମୀରର ବଡ଼ଗାମ ଜିଲାରେ ଆତଙ୍କବାଦୀଙ୍କ ଆକ୍ରମଣରେ ଆହତ ବିଜେପି ନେତାଙ୍କ ମୃତ୍ୟୁ ଘଟିଛି। ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ସୋମବାର ତାଙ୍କର ମୃତ୍ୟୁ ହୋଇଛି। ସେନା ପକ୍ଷରୁ ବାରମ୍ବାର ଘାଟିରେ ଆତଙ୍କବାଦୀ ଦମନ ଅପରେଶନ ଜାରି ରହିଥିବାରୁ ଆତଙ୍କୀମାନେ ବିଚଳିତ ହୋଇ ବିଜେପି ନେତାମାନଙ୍କୁ ହତ୍ୟା କରୁଥିବା କୁହାଯାଉଛି। ସୋମବାର ପ୍ରାଣ ହରାଇଥିବା ନେତା ହେଉଛନ୍ତି ଅବଦୁଲ ହମିଦ ନାଜର। ସେ ବିଜେପିର ଓବିସି ମୋର୍ଚ୍ଚାର ଜିଲାଧ୍ୟକ୍ଷ ଥିଲେ।

ଗତ ରବିବାର ହମିଦ ପ୍ରାତଃ ଭ୍ରମଣରେ ଯାଉଥିବାବେଳେ ଆତଙ୍କବାଦୀମାନେ ତାଙ୍କୁ ଗୁଳି କରି ଫେରାର ହୋଇଯାଇଥିଲେ। ତାଙ୍କ ପେଟରେ ଗୁଳି ବାଜିଥିଲା। ତୁରନ୍ତ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ଗତ ୫ ଦିନ ମଧ୍ୟରେ ବିଜେପି ନେତାଙ୍କ ଉପରେ ଏହା ୩ୟ ଆକ୍ରମଣ ଥିଲା। ନିକଟରେ ଆତଙ୍କବାଦୀମାନେ ଜଣେ ବିଜେପି ସରପଞ୍ଚଙ୍କୁ ଗୁଳି କରି ହତ୍ୟା କରିଥିଲେ। ଏହା ପୂର୍ବରୁ ବିଜେପିର ବାନ୍ଦିପୋରା ଜିଲା ସଭାପତି ଓ ତାଙ୍କ ବାପା ଏବଂ ଭାଇଙ୍କୁ ମଧ୍ୟ ଆତଙ୍କୀମାନେ ହତ୍ୟା କରିଥିଲେ।

Comments
Loading...