କହ୍ନେଇଁବନ୍ଧରେ ବିଜେପିର ଜନ ପରାମର୍ଶ ପଦଯାତ୍ରା

0

ଖୁଣ୍ଟା : କହ୍ନେଇଁ ବନ୍ଧରେ ବିଜେପିର ଜନପରାମର୍ଶ  ପଦଯାତ୍ରା ଅନୁଷ୍ଠିତ ହୋଇଯାଇଛି। ଏହି ଅବସରରେ ଉପସ୍ଥିତ ନେତୃବୃନ୍ଦ ବିଜେପି ଦ୍ୱାରା କେନ୍ଦ୍ରର ଜନକଲ୍ୟାଣକାରୀ ଯୋଜନା ଗୁଡିକ ବାବଦରେ ଲୋକଙ୍କୁ ଅବଗତ କରାଇଥିବା ବେଳେ ନବୀନ ପଟ୍ଟନାୟକଙ୍କ ସରକାରର ବିଫଳତାକୁ ତୀବ୍ର ସମାଲୋଚନା କରିଥିଲେ। କେନ୍ଦ୍ର ସରକାର ଲୋକଙ୍କ ପାଇଁ ଉଜ୍ଜ୍ୱଳା, ଅଟଳ ପେନସନ, ମୁଦ୍ରା ଯୋଜନା, ସୁକନ୍ୟା ସମୃଦ୍ଧି, ଅୟୁଷ୍ମାନ ସମେତ ଅନ୍ୟାନ୍ୟ ଯୋଜନା ପ୍ରଣୟନ କରିଥିବା ବେଳେ ରାଜ୍ୟ ସରକାର ଶାସନରେ ସ୍କୁଲରେ ଶିକ୍ଷକ ଓ ସ୍ୱାସ୍ଥ୍ୟ କେନ୍ଦ୍ରରେ ଡାକ୍ତର ନାହାନ୍ତି, ବେକାରୀ ବୃଦ୍ଧି, ଚାଷୀ ଅସହାୟ ଓ ମହିଳାମାନେ ଅସୁରକ୍ଷିତ ବୋଲି କହିଥିଲେ। ମଣ୍ଡଳର ସଭାପତି ଭବାନୀ ଲେଙ୍କାଙ୍କ ନେତୃତ୍ୱରେ ଦଳର ସ୍ଥାନୀୟ କର୍ମକର୍ତ୍ତା ଓ କର୍ମୀମାନଙ୍କୁ ନେଇ ଜନ ପରାମର୍ଶ ପଦଯାତ୍ରା ଅନୁଷ୍ଠିତ ହୋଇଥିଲା। ପରବର୍ତ୍ତି ସମୟରେ ମଣ୍ଡଳର ସମସ୍ତ ଗ୍ରାମରେ ବିଜେପି ଉକ୍ତ ବାର୍ତ୍ତା ଲୋକଙ୍କ ନିକଟରେ ପହଞ୍ଚାଇବ ବୋଲି ପଦଯାତ୍ରାରେ ସାମିଲ ହୋଇଥିବା ରାଜ୍ୟ କାର୍ଯ୍ୟକାରିଣୀ ସଦସ୍ୟା ସୁମନ ସିଂ ପ୍ରକାଶ କରିଥିଲେ।

Comments
Loading...