ବିଜେପୁରରେ ବିଜେଡିର ଐତିହାସିକ ବିଜୟ : ରୀତା ସାହୁ, ବିଜେପୁର ବାସୀ ଓ ଦଳୀୟ କର୍ମକର୍ତ୍ତାଙ୍କୁ ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ବର : ସବୁ କଳ୍ପନା ଜଳ୍ପନାର ଅନ୍ତ ଘଟି ଶେଷରେ ଗୁରୁବାର ଅପରାହ୍ଣରେ ବରଗଡ଼ ଜିଲା ଅନ୍ତର୍ଗତ ବିଜେପୁର ବିଧାନସଭା ଉପନିର୍ବାଚନର ଫଳାଫଳ ପ୍ରକାଶ ପାଇଛି। ଏଥିରେ ବିଜୁ ଜନତା ଦଳ(ବିଜେଡ଼ି) ବିପୁଳ ସଂଖ୍ୟାରେ ବିଜୟ ଲାଭ କରିଛି। ବିଜେଡି ପ୍ରାର୍ଥିନୀ ରୀତା ସାହୁ ତାଙ୍କ ନିକଟତମ ପ୍ରତିଦ୍ବନ୍ଦ୍ବୀ ବିଜେପି ପ୍ରାର୍ଥୀ ସନତ ଗଡ଼ତିଆଙ୍କୁ ୯୭ ହଜାର ୯୯୦ ଖଣ୍ଡ ଭୋଟ ବ୍ୟବଧାନରେ ହରାଇ ଐତିହାସିକ ରେକର୍ଡ ସୃଷ୍ଟି କରିଛନ୍ତି। ଏହି ପରିପ୍ରେକ୍ଷିରେ ବିଜେଡ଼ି ମୁଖିଆ ତଥା ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରୀତାଙ୍କୁ ଅଭିନନ୍ଦନ ଜଣାଇଛନ୍ତି। ଏହାସହିତ ବିଜେପୁର ଭାଇଭଉଣୀମାନଙ୍କୁ ଆନ୍ତରିକା ଧନ୍ୟବାଦ ଜଣାଇଛନ୍ତି। ଏବଂ ବିଜୁ ଜନତା ଦଳ(ବିଜେଡ଼ି) ଦଳର ସମସ୍ତ କର୍ମକର୍ତ୍ତାଙ୍କୁ ମଧ୍ୟ ଶୁଭେଚ୍ଛା ଜଣାଇଛନ୍ତି।

ବିଜେପୁର ଉପନିର୍ବାଚନରେ ଏହି ଐତିହାସିକ ବିଜୟ ବିଜେପୁରବାସୀଙ୍କର। ନିରନ୍ତର ଭାବେ ଆପଣମାନେ ଦେଇଆସିଥିବା ଭଲପାଇବା ନିକଟରେ ମୁଁ କୃତଜ୍ଞ। ବିଜେପୁରର ଭାଇଭଉଣୀଙ୍କୁ ମୋର ଆନ୍ତରିକ ଧନ୍ୟବାଦ। ଲୋକଙ୍କ ପାଖରେ ପହଞ୍ଚି ସେମାନଙ୍କ ହୃଦୟ ଜିଣିଥିବାରୁ @bjd_odisha ର ସମସ୍ତ କର୍ମକର୍ତ୍ତାଙ୍କୁ ଶୁଭେଚ୍ଛା। pic.twitter.com/CnpGvnLUhA

— Naveen Patnaik (@Naveen_Odisha) October 24, 2019

ରାଜ୍ୟ ନିର୍ବାଚନ କମିସନ ୱେବ୍‌ସାଇଟ୍‌ ସୂଚନା ଅନୁସାରେ, ବିଜେଡି ପ୍ରାର୍ଥିନୀ ରୀତା ସାହୁ ସମୁଦାୟ ୧,୩୫,୯୫୭ ଖଣ୍ଡ ଭୋଟ୍‌ ପାଇ ଏହି ନିର୍ବାଚନରେ ବିଜୟିନୀ ହୋଇଛନ୍ତି।