ବିଶ୍ୱନାଥ ବିଦ୍ୟାପୀଠ ୧୯୮୮ ବ୍ୟାଚ୍‍ ବନ୍ଧୁମିଳନ

ଆଠଗଡ: ଆଠଗଡର ସର୍ବପୁରାତନ ବିଶ୍ୱନାଥ ବିଦ୍ୟାପୀଠର ୧୯୮୮ମାଟ୍ରିକ ବ୍ୟାଚ ପୁରାତନ ଛାତ୍ରଙ୍କର ଏକ ବନ୍ଧୁମିଳନ ଉତ୍ସବ ବୁଧବାର ସ୍ଥାନୀୟ ଉତ୍ତରାଚଣ୍ଡୀ ମନ୍ଦିର ପ୍ରାଙ୍ଗଣରେ ଅନୁଷ୍ଟିତ ହୋଇଯାଇଛି। ଏହି ବ୍ୟାଚର ସହପାଠୀ ତଥା ସମାଜସେବୀ ରାମନାରାୟଣ ମହାନ୍ତିଙ୍କ ସଂଯୋଜନାରେ ଅନୁଷ୍ଠିତ ଏକ ସଭାରେ ବିଭିନ୍ନ କ୍ଷେତ୍ରରେ ଉଚ୍ଚପ୍ରତିଷ୍ଠିତ ଏହି ବ୍ୟାଚର ପୁରାତନ ଛାତ୍ରମାନେ ସେମାନଙ୍କର ସ୍କୁଲ ଜୀବନର ସ୍ମୃତିଚାରଣ କରିବା ସହ ଶିକ୍ଷାଲାଭ କରିଥିବା ନିଜ ବିଦ୍ୟାର ମନ୍ଦିରର ବିକାଶ ପାଇଁ ମୋ ସ୍କୁଲ ଅଭିଯାନ ମାଧ୍ୟମରେ ସହଯୋଗ କରିବା ପାଇଁ ସହମତି ପ୍ରକାଶ କରିଥିଲେ।

ଏଥିସହିତ ଆଠଗଡ ଅଞ୍ଚଳରେ ବିଭିନ୍ନ ସାମାଜିକ କାର୍ଯ୍ୟକ୍ରମ ମାଧ୍ୟମରେ ଦୁସ୍ଥ, ଅସହାୟ ଓ ଅବହେଳିତମାନଙ୍କୁ ଆର୍ôଥକ ଓ ଅନ୍ୟ ଉପାୟରେ ସାହାଯ୍ୟ ସହଯୋଗ କରିବା ଲାଗି ପୁରାତନ ଛାତ୍ରମାନେ ନିଷ୍ପତ୍ତି ଗ୍ରହଣ କରିଥିଲେ। ଏହି କାର୍ଯ୍ୟକ୍ରମରେ ରାଜ୍ୟ ତଥା ରାଜ୍ୟ ବାହାରେ ବିଭିନ୍ନ ଉଚ୍ଚ ପଦପଦବୀରେ ଅବସ୍ଥାପିତ ଏବଂ ବ୍ୟବସାୟରେ ସଫଳତା ହାସଲ କରିଥିବା ବହୁ ପୁରାତନ ଛାତ୍ର ଯୋଗଦାନ କରିଥିଲେ। ଓମ୍‍ ପ୍ରକାଶ ଦାସ, ଶାନ୍ତମୟ ମହାପାତ୍ର, ସୁଶାନ୍ତ ରଥ, ସୁରଜିତ୍‍ ସିଂହ, ଲକ୍ଷ୍ମୀଧର ନାୟକ, ନାରାୟଣ ରଣା, ସିଦ୍ଧାର୍ଥ ମିଶ୍ର, ଦୀପକ ପଣ୍ଡା, କିଶୋର ଚନ୍ଦ୍ର ବେହେରା, ଦେବାଶିଷ ପଟ୍ଟନାୟକ, ଦେବପ୍ରସାଦ ସେଠୀ, ଶୈଳେନ୍ଦ୍ର ପଟ୍ଟନାୟକ, ନିତ୍ୟାନନ୍ଦ ମହାରଣା ଓ ଅଶୋକ ରାଉତ ପ୍ରମୁଖ ଉଦ୍‍ବୋଧନ ଦେଇ ନିଜର ସ୍କୁଲ ଜୀବନ ସ୍ମୃତିକୁ ରୋମନ୍ଥନ କରିଥିଲେ। ଶେଷରେ ଅନ୍ୟତନ ସହପାଠୀ ସୁଶାନ୍ତ ସାହୁ ଧନ୍ୟବାଦ ଅର୍ପଣ କରିଥିଲେ।

Comments
Loading...