ବିନିକାରେ ପିଆଜ ଦର ଆକାଶ ଛୁଆଁ, ଅତିଷ୍ଠ ଗ୍ରାହକ

ବିନିକା: ସୁବର୍ଣ୍ଣପୁର ଜିଲ୍ଲା ବିନିକା ଅଞ୍ଚଳରେ ଏବେ ସମସ୍ତ ପ୍ରକାର ପନିପରିବା ଅହେତୁକ ଦର ବୃଦ୍ଧି ପାଇଥିବା ବେଳେ ଏପରି ସ୍ଥିତିରେ କିନ୍ତୁ ସାଧାରଣ ଲୋକଙ୍କ ନିତ୍ୟ ବ୍ୟବହାର୍ଯ୍ୟ ପିଆଜ ଦର ଆକାଶ ଛୁଆଁ ଦର ବୃଦ୍ଧି ପାଇଛି। ଗତ କିଛି ଦିନ ହେଲା ବିନିକା ଅଞ୍ଚଳରେ କେବଳ ପିଆଜ ଦର ଅତ୍ୟଧିକ ବୃଦ୍ଧି ପାଉଥିବାରୁ ସାଧାରଣ ଗରିବ ପରିବାରରେ ପିଆଜ ଉଭାନ ହୋଇଯାଇଛି। ଏହି ଦର ବୃଦ୍ଧି ସମସ୍ତଙ୍କୁ ବାଧୁଥିବା ବେଳେ ଲୋକେ ଦର ବୃଦ୍ଧିରେ ପଡ଼ି ଅତିଷ୍ଠ ହୋଇ ପଡ଼ୁଛନ୍ତି। ଏକ ସପ୍ତାହ ହେଲା ବିନିକା ଦୈନିକ ବଜାର ସମେତ ଅଞ୍ଚଳର ବିଭିନ୍ନ ସ୍ଥାନରେ ବସୁଥିବା ହାଟ ଓ ଗ୍ରାମାଞ୍ଚଳର ଦୋକାନ ବଜାର ଗୁଡ଼ିକରେ ପନିପରିବା ଦର ଅହେତୁକ ଭାବରେ ବୃଦ୍ଧି ପାଉଥିବା ବେଳେ ପିଆଜ କିଣିବା ବେଳେ ସାଧାରଣ ଗ୍ରାହକ ଦର ବୃଦ୍ଧିରେ ପଡ଼ି ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ସୂଚନା ଅନୁସାରେ ବିନିକା ଅଞ୍ଚଳର ବିଭିନ୍ନ ସ୍ଥାନରେ ପିଆଜ ଦର କୋଉଁଠି ୬୦ ତ ଆଉ କେଉଁଠି ୭୦ ଉପରେ ବୃଦ୍ଧି ପାଉଥିବା ଅଭିଯୋଗ ହେଉଛି। ଅଞ୍ଚଳରେ ସବୁଠି ଏଭଳି ଦରବୃଦ୍ଧିକୁ ଗ୍ରାହକ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଉଛି। ଏପରି ସ୍ଥିତିରେ ସାଧାରଣ ଗରିବ ଲୋକେ ପିଆଜ କିଣି ନ ପାରି ବହୁ ଅସୁବିଧାର ସମ୍ମୁଖୀନ ହେଉଥିବା ଜଣାପଡ଼ିଛି। ଯଦି ଏଭଳି ଆକାଶ ଛୁଆଁ ଦରକୁ ନିୟନ୍ତ୍ରଣ କରା ନ ଯାଏ ତାହେଲେ ଲୋକେ ବହୁ ଦୁର୍ଦ୍ଦଶା ଭୋଗିବେ ବୋଲି ଅଭିଯୋଗ ହୋଉଛି। ତେଣୁ ସମସ୍ୟା ସମ୍ପର୍କରେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଯଥାଶୀଘ୍ର ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଜନସାଧାରଣରେ ଦାବି ହେଉଛି।

Comments
Loading...