ବାଇକ୍‍ ଧକ୍କାରେ ସାଇକେଲ ଆରୋହୀ ଗୁରୁତର

ବୌଦ୍ଧ : ବୌଦ୍ଧ ଥାନା ଅନ୍ତର୍ଗତ ବଙ୍କାପଡା ଗ୍ରାମ ନିକଟରେ ଜଣେ ବାଇକ୍‍ ଚାଳକଙ୍କ ଧକ୍କାରେ ଜଣେ ସାଇକେଲ ଆରୋହୀ ଗୁରୁତର ଆହତ ହୋଇଥିବା ଜଣାଯାଇଛି। ସୂଚନା ମୁତାବକ ସୋମବାର ଅପରାହ୍ନରେ ବଙ୍କାପଡା ଗ୍ରାମର ଯୁଧିଷ୍ଠିର ବେହେରା(୫୫) ସାଇକେଲ ଯୋଗେ ଗାଁ ଛକଆଡେ ଯାଉଥିବା ବେଳେ ଜଗନ୍ନାଥ ସଡକରେ ଧଳପୁର ପଟରୁ ଆସୁଥିବା ବାଇକ୍‍ ତାଙ୍କୁ ଧକ୍କା ଦେଇଥିଲା। ଦୁର୍ଘଟଣାରେ ସାଇକେଲ ଆରୋହୀ ଗୁରୁତର ଆହତ ହୋଇଥିବାବେଳେ ବାଇକ୍‍ ଚାଳକ ଧାଇଁ ପଳାଉଥିବାବେଳେ ଗ୍ରାମବାସୀଙ୍କ ଦ୍ୱାରା ଧରାପଡିଥିଲେ। ସୂଚନା ପାଇ ବୌଦ୍ଧ ଥାନା ପିସିଆର ଘଟଣା ସ୍ଥଳରେ ପହଂଚି ଆହତଙ୍କୁ ଡାକ୍ତରଖାନାରେ ଭର୍ତ୍ତି କରିବା ସହ ବାଇକ୍‍ ଚାଳକଙ୍କୁ ଅଟକ ରଖିଥିବା ଜଣାଯାଇଛି।

Comments
Loading...